6 shlokas
- 1
कुसुर्बिन्दो हौद्दालकिः सोमानाम् उज्जगौ
kusurbindo hauddālakiḥ somānām ujjagau
- 2
तम् उ हासितमृगा इति कश्यपानां पुत्रा ऊचुः को नु नो ऽयं नृशंसको ऽन्त उद्गायत्य् एत इमम् अनुव्याहरिष्याम इति
tam u hāsitamṛgā iti kaśyapānāṃ putrā ūcuḥ ko nu no 'yaṃ nṛśaṃsako 'nta udgāyaty eta imam anuvyāhariṣyāma iti
- 3
ते ऽनुव्याहरिष्यन्त आस्तावम् उपसेदुः
te 'nuvyāhariṣyanta āstāvam upaseduḥ
- 4
स होवाच नमो ब्राह्मणा अस्तु पुरा वा अहम् अद्य प्रातरनुवाकाद्गायत्रेण विश्वरूपासु यज्ञं समस्थापयं स यथा गोभिर्गवायम् इत्वा श्रमणम् अबलम् अनुसंनुदेद् एवं वावेदं यज्ञशरीरम् अनुसंनुदाम इति
sa hovāca namo brāhmaṇā astu purā vā aham adya prātaranuvākādgāyatreṇa viśvarūpāsu yajñaṃ samasthāpayaṃ sa yathā gobhirgavāyam itvā śramaṇam abalam anusaṃnuded evaṃ vāvedaṃ yajñaśarīram anusaṃnudāma iti
- 5
ते होत्थाय प्रवव्रजुर्नमो ऽस्मै ब्राह्मणायास्तु विदां वा अयम् इदं चकारेति
te hotthāya pravavrajurnamo 'smai brāhmaṇāyāstu vidāṃ vā ayam idaṃ cakāreti
- 6
पुरा ह वा अस्य प्रातरनुवाकाद्गायत्रेण विश्वरूपासु यज्ञः संस्थितो भवति य एवं वेद
purā ha vā asya prātaranuvākādgāyatreṇa viśvarūpāsu yajñaḥ saṃsthito bhavati ya evaṃ veda

