25 shlokas
- 1
अथ बृहती
atha bṛhatī
- 2
अथ त्रिष्टुप्
atha triṣṭup
- 3
तद् एतद्ब्रह्मणा च क्षत्रेण चोभयतो ऽन्नाद्यं परिगृहीतम्
tad etadbrahmaṇā ca kṣatreṇa cobhayato 'nnādyaṃ parigṛhītam
- 4
ब्रह्मणा च ह वा एनं क्षत्रेण चोभयतो ऽन्नाद्यं परिगृहीतम् उपतिष्ठते य एवं वेद
brahmaṇā ca ha vā enaṃ kṣatreṇa cobhayato 'nnādyaṃ parigṛhītam upatiṣṭhate ya evaṃ veda
- 5
तस्माद्ब्राह्मणेन क्षत्रियाय न द्रोग्धव्यं न क्षत्रियेण ब्राह्मणाय
tasmādbrāhmaṇena kṣatriyāya na drogdhavyaṃ na kṣatriyeṇa brāhmaṇāya
- 6
समानं ह्य् एनयोर् अन्नाद्यम्
samānaṃ hy enayor annādyam
- 7
तस्माद्यद्ब्राह्मणो महद् इव गच्छति क्षत्रियम् एव स तस्यान्नाद्यस्य द्वितीयं गोप्तारम् इच्छते
tasmādyadbrāhmaṇo mahad iva gacchati kṣatriyam eva sa tasyānnādyasya dvitīyaṃ goptāram icchate
- 8
यत्क्षत्रियो ब्राह्मणम् उ एव
yatkṣatriyo brāhmaṇam u eva
- 9
विन्दते क्षत्रियं भर्तारं य एवं वेद
vindate kṣatriyaṃ bhartāraṃ ya evaṃ veda
- 10
चतुरक्षराणि ह वा अग्रे छन्दांस्य् आसुर् अयज्ञवाहानि
caturakṣarāṇi ha vā agre chandāṃsy āsur ayajñavāhāni
- 11
अथ हेन्द्रस्य त्रिदिवे सोम आस
atha hendrasya tridive soma āsa
- 12
तं हाग्नयो गन्धर्वा जुगुपुर् एत एव धिष्ण्याः
taṃ hāgnayo gandharvā jugupur eta eva dhiṣṇyāḥ
- 13
त उ एवाशीविषाः
ta u evāśīviṣāḥ
- 14
स हिरण्मय्योः कुश्योर् आस
sa hiraṇmayyoḥ kuśyor āsa
- 15
ते ह स्म निमेषमात्रम् अभिसंपततः
te ha sma nimeṣamātram abhisaṃpatataḥ
- 16
तानीमानि छन्दांस्य् अब्रुवन्सोमम् आहराम यज्ञं तनवामहा इति
tānīmāni chandāṃsy abruvansomam āharāma yajñaṃ tanavāmahā iti
- 17
सा जगती प्रथमोदपतद् ओजिष्ठा बलिष्ठा भूयिष्ठा वीर्यवत्तमा मन्यमाना
sā jagatī prathamodapatad ojiṣṭhā baliṣṭhā bhūyiṣṭhā vīryavattamā manyamānā
- 18
तस्यै परेतायै सोमपालास्त्रीण्य् अक्षराण्य् अविन्दन्त
tasyai paretāyai somapālāstrīṇy akṣarāṇy avindanta
- 19
सैकाक्षरा पुनर् आगच्छद्दीक्षां च पशूंश्चाहरन्ती
saikākṣarā punar āgacchaddīkṣāṃ ca paśūṃścāharantī
- 20
तस्माद्य एव पशुमान्भवति तं दीक्षोपनामुका
tasmādya eva paśumānbhavati taṃ dīkṣopanāmukā
- 21
अथ त्रिष्टुब् उदपतत्
atha triṣṭub udapatat
- 22
तस्यै परेतायै सोमपाला एकम् अक्षरम् अविन्दन्त
tasyai paretāyai somapālā ekam akṣaram avindanta
- 23
सा त्र्यक्षरा पुनर् आगच्छत्तपश्च दक्षिणाश्चाहरन्ती
sā tryakṣarā punar āgacchattapaśca dakṣiṇāścāharantī
- 24
तस्मात्त्रिष्टुभो लोके दक्षिणा नीयन्ते
tasmāttriṣṭubho loke dakṣiṇā nīyante
- 25
तस्माद् उ तम् एव तपस्तेपानं मन्यन्ते यो ददत्
tasmād u tam eva tapastepānaṃ manyante yo dadat

