20 shlokas
- 1
अथ निर्बाधापस्तम्भौ
atha nirbādhāpastambhau
- 2
साम्नो हिंक्रियमाण एतां दिशं यं द्विष्यात्तं मनसा निर्बाधेत
sāmno hiṃkriyamāṇa etāṃ diśaṃ yaṃ dviṣyāttaṃ manasā nirbādheta
- 3
तत एव स पराभवति
tata eva sa parābhavati
- 4
प्रतिह्रियमाण एताम् उ एव दिशं यं द्विष्यात्तं मनसापस्तभ्नुयात्
pratihriyamāṇa etām u eva diśaṃ yaṃ dviṣyāttaṃ manasāpastabhnuyāt
- 5
तत उ एव स पराभवति
tata u eva sa parābhavati
- 6
अथो त्रयः साम्नः स्वर्गास्त्रयो नारकाः
atho trayaḥ sāmnaḥ svargāstrayo nārakāḥ
- 7
प्रस्तुते पुरादेः स नारकः
prastute purādeḥ sa nārakaḥ
- 8
तद्द्विषन्तं भ्रातृव्यं पातयित्वा आदिः स्वर्गो लोकस्तस्मिन्न् आत्मानं दध्यात्
taddviṣantaṃ bhrātṛvyaṃ pātayitvā ādiḥ svargo lokastasminn ātmānaṃ dadhyāt
- 9
प्रतिहृते पुरोपद्रवात्स नारकः
pratihṛte puropadravātsa nārakaḥ
- 10
तद्द्विषन्तं भ्रातृव्यं पातयित्वा उपद्रवः स्वर्गो लोकस्तस्मिन्न् आत्मानं दध्यात्
taddviṣantaṃ bhrātṛvyaṃ pātayitvā upadravaḥ svargo lokastasminn ātmānaṃ dadhyāt
- 11
उपद्रुते पुरा निधनात्स नारकः
upadrute purā nidhanātsa nārakaḥ
- 12
तद्द्विषन्तं भ्रातृव्यं पातयित्वा निधनं स्वर्गो लोकस्तस्मिन्न् आत्मानं दध्यात्
taddviṣantaṃ bhrātṛvyaṃ pātayitvā nidhanaṃ svargo lokastasminn ātmānaṃ dadhyāt
- 13
तद् उ होवाच शाट्यायनिर् अपहतपाप्मैतत्साम्नो यद् ऊर्ध्वं प्रस्तावात्
tad u hovāca śāṭyāyanir apahatapāpmaitatsāmno yad ūrdhvaṃ prastāvāt
- 14
स्वर्ग एष लोकः
svarga eṣa lokaḥ
- 15
कस्तस्मिन्द्विषन्तं भ्रातृव्यम् आभजेत्
kastasmindviṣantaṃ bhrātṛvyam ābhajet
- 16
प्रस्तुत एव पुरादेः स एवैको नारकः
prastuta eva purādeḥ sa evaiko nārakaḥ
- 17
तद्द्विषन्तं भ्रातृव्यं पातयित्वा सर्वस्मिन्न् एव सामन्न् आत्मानं दध्यात्
taddviṣantaṃ bhrātṛvyaṃ pātayitvā sarvasminn eva sāmann ātmānaṃ dadhyāt
- 18
अथो यजमानम्
atho yajamānam
- 19
सो ऽपहत्य पाप्मानं स्वर्गं लोकम् एति
so 'pahatya pāpmānaṃ svargaṃ lokam eti
- 20
एतत्तद्यत्कृत्वा श्रेयान्मन्यत इति
etattadyatkṛtvā śreyānmanyata iti

