15 shlokas
- 1
तद् आहुः समदम् इव वा एतच्छन्दोभ्यः कुर्वन्ति यद्गायत्रे सति प्रातस्सवने सर्वाणि छन्दांस्य् अभिगीयन्ते योधुकाः प्रजा भवन्तीति
tad āhuḥ samadam iva vā etacchandobhyaḥ kurvanti yadgāyatre sati prātassavane sarvāṇi chandāṃsy abhigīyante yodhukāḥ prajā bhavantīti
- 2
स यः कामयेत शान्ताः प्रजा एधेरन्न् इति न धुरो विगायेत्
sa yaḥ kāmayeta śāntāḥ prajā edherann iti na dhuro vigāyet
- 3
अपशीर्षाणं तु यज्ञं यजमानस्य कुर्याद् अनृतेन दक्षिणाः प्रतिगृह्णीयात्
apaśīrṣāṇaṃ tu yajñaṃ yajamānasya kuryād anṛtena dakṣiṇāḥ pratigṛhṇīyāt
- 4
ब्रह्म मैव करद् इति वै यजमानो दक्षिणा ददाति
brahma maiva karad iti vai yajamāno dakṣiṇā dadāti
- 5
स तथैव चिकीर्षेद्यथा नापशीर्षाणं यज्ञं यजमानस्य कुर्यान्नानृतेन दक्षिणाः प्रतिगृह्णीयात्
sa tathaiva cikīrṣedyathā nāpaśīrṣāṇaṃ yajñaṃ yajamānasya kuryānnānṛtena dakṣiṇāḥ pratigṛhṇīyāt
- 6
व्य् एव गायेत्
vy eva gāyet
- 7
यस्त्वा एना विजिगासन्न शक्नोति विगातुम् आर्तिम् आर्च्छति
yastvā enā vijigāsanna śaknoti vigātum ārtim ārcchati
- 8
यदि रेतस्यां न शक्नोति विगातुम् अरेतस्क आत्मना भवत्य् अरेतस्का गर्भा जायन्ते
yadi retasyāṃ na śaknoti vigātum aretaska ātmanā bhavaty aretaskā garbhā jāyante
- 9
यदि गायत्रीं न शक्नोति विगातुं प्रमायुक आत्मना भवति मृता गर्भा जायन्ते
yadi gāyatrīṃ na śaknoti vigātuṃ pramāyuka ātmanā bhavati mṛtā garbhā jāyante
- 10
यदि त्रिष्टुभं न शक्नोति विगातुम् अन्ध आत्मना भवत्य् अन्धा गर्भा जायन्ते
yadi triṣṭubhaṃ na śaknoti vigātum andha ātmanā bhavaty andhā garbhā jāyante
- 11
यदि जगतीं न शक्नोति विगातुं बधिर आत्मना भवति बधिरा गर्भा जायन्ते
yadi jagatīṃ na śaknoti vigātuṃ badhira ātmanā bhavati badhirā garbhā jāyante
- 12
यद्य् अनुष्टुभं न शक्नोति विगातुम् अजिह्व आत्मना भवत्य् अजिह्वा गर्भा जायन्ते
yady anuṣṭubhaṃ na śaknoti vigātum ajihva ātmanā bhavaty ajihvā garbhā jāyante
- 13
यदि पङ्क्तिं न शक्नोति विगातुम् ऋतवो लुभ्यन्ति
yadi paṅktiṃ na śaknoti vigātum ṛtavo lubhyanti
- 14
स य एना नाशंसेत विगातुं परोक्षेणैवैनाः स रूपेण गायेत्
sa ya enā nāśaṃseta vigātuṃ parokṣeṇaivaināḥ sa rūpeṇa gāyet
- 15
उभयेन त्वाव रेतस्या गीयते
ubhayena tvāva retasyā gīyate

