15 shlokas
- 1
तद् आहुर्यद् एतस्य दीर्घसत्त्रिणो ऽग्निहोत्रं जुह्वतो ऽग्निहोत्रं दुह्यमानं स्कन्देत्किं तत्र कर्म का प्रायश्चित्तिर् इति
tad āhuryad etasya dīrghasattriṇo 'gnihotraṃ juhvato 'gnihotraṃ duhyamānaṃ skandetkiṃ tatra karma kā prāyaścittir iti
- 2
यद् एव तत्र स्थाल्यां परिशिष्टं स्यात्तेन जुहुयात्
yad eva tatra sthālyāṃ pariśiṣṭaṃ syāttena juhuyāt
- 3
यद्य् उ नीची स्थाली स्याद् अपि वा भिद्येत किं तत्र कर्म का प्रायश्चित्तिर् इति
yady u nīcī sthālī syād api vā bhidyeta kiṃ tatra karma kā prāyaścittir iti
- 4
स्कन्नप्रायश्चित्त्यैवाभिमृश्य अस्कन्न् अधित इत्य् अथ यद् अन्यद्विन्देत्तेन जुहुयात्
skannaprāyaścittyaivābhimṛśya askann adhita ity atha yad anyadvindettena juhuyāt
- 5
यदा वै स्कन्दत्य् अथ धीयते
yadā vai skandaty atha dhīyate
- 6
रेतो वै पयो योनिर् इयम्
reto vai payo yonir iyam
- 7
योन्याम् एवैतद्रेतः प्रतिष्ठापयति
yonyām evaitadretaḥ pratiṣṭhāpayati
- 8
अनुष्ठ्यास्य रेतः सिक्तं प्रजायते य एवं वेद
anuṣṭhyāsya retaḥ siktaṃ prajāyate ya evaṃ veda
- 9
अमुतो वै पर्जन्यः स्कन्दतीहौषधयो वनस्पतयो जायन्ते
amuto vai parjanyaḥ skandatīhauṣadhayo vanaspatayo jāyante
- 10
पुरुषाद्रेतः स्कन्दति पशुभ्यः
puruṣādretaḥ skandati paśubhyaḥ
- 11
तत इदं सर्वं प्रजातम्
tata idaṃ sarvaṃ prajātam
- 12
स विद्याद् उप मा देवाः प्राभूवन्प्रजातिर्मे भूयस्य् अभूच्छ्रेयान्भविष्यामीति तथा हैव स्यात्
sa vidyād upa mā devāḥ prābhūvanprajātirme bhūyasy abhūcchreyānbhaviṣyāmīti tathā haiva syāt
- 13
अथो यत्रैतत्स्कन्नं तद् उदपात्रं वैवोदकमण्डलुं वोपनिनयेद्भूर्भुवः स्वर् इत्य् एताभिर्व्याहृतिभिः
atho yatraitatskannaṃ tad udapātraṃ vaivodakamaṇḍaluṃ vopaninayedbhūrbhuvaḥ svar ity etābhirvyāhṛtibhiḥ
- 14
एता वै व्याहृतयः सर्वप्रायश्चित्तयः
etā vai vyāhṛtayaḥ sarvaprāyaścittayaḥ
- 15
तद् अनेन सर्वेण प्रायश्चित्तिं कुरुते
tad anena sarveṇa prāyaścittiṃ kurute

