16 shlokas
- 1
कॢप्तं ह वै लोकं यजमानो ऽभिजायते
kḷptaṃ ha vai lokaṃ yajamāno 'bhijāyate
- 2
पशून् एव प्रथमस्य तृचस्य प्रथमया स्तोत्रियया जयति भूमिं द्वितीययाग्निं तृतीयया
paśūn eva prathamasya tṛcasya prathamayā stotriyayā jayati bhūmiṃ dvitīyayāgniṃ tṛtīyayā
- 3
अन्तरिक्षम् एव द्वितीयस्य तृचस्य प्रथमया स्तोत्रियया जयति वायुं द्वितीयया प्राणं तृतीयया
antarikṣam eva dvitīyasya tṛcasya prathamayā stotriyayā jayati vāyuṃ dvitīyayā prāṇaṃ tṛtīyayā
- 4
दिवम् एव तृतीयस्य तृचस्य प्रथमया स्तोत्रियया जयत्य् आदित्यं द्वितीयया नक्षत्राणि तृतीयया
divam eva tṛtīyasya tṛcasya prathamayā stotriyayā jayaty ādityaṃ dvitīyayā nakṣatrāṇi tṛtīyayā
- 5
नवैता बहिष्पवमान्यो भवन्ति नव देवलोकाः
navaitā bahiṣpavamānyo bhavanti nava devalokāḥ
- 6
तान् एवैताभिर् आप्नोति
tān evaitābhir āpnoti
- 7
ता एतास्तिस्रो विराजो दैवी यज्ञिया मानुषी
tā etāstisro virājo daivī yajñiyā mānuṣī
- 8
एतासु ह सुचित्तश्शैलनो जनकं वैदेहं समूदे
etāsu ha sucittaśśailano janakaṃ vaidehaṃ samūde
- 9
स होवाच श्रद्धा माविदद् ऋत्विजो मे ह्वयन्त्व् इति
sa hovāca śraddhā māvidad ṛtvijo me hvayantv iti
- 10
तस्मै ह कुरुपञ्चालान् ऋत्विज ऊहुः
tasmai ha kurupañcālān ṛtvija ūhuḥ
- 11
तेषु हागतेषु शैलनो बिभयांचकारागच्छन्ब्राह्मणा इवोदन्ता यान्वा अयम् इह न लघूयेद् इति
teṣu hāgateṣu śailano bibhayāṃcakārāgacchanbrāhmaṇā ivodantā yānvā ayam iha na laghūyed iti
- 12
स होवाच संराड्वाक्यं मे ऽस्तीति
sa hovāca saṃrāḍvākyaṃ me 'stīti
- 13
तिस्रो वा इमा विराजो ऽतृष्यन्तीः सर्वकामा अन्नाभिधानाः
tisro vā imā virājo 'tṛṣyantīḥ sarvakāmā annābhidhānāḥ
- 14
तासु स्म त्वा यो ऽन्तर् अवदधाति तं स्मैवोद्गातारं वृणीष्व
tāsu sma tvā yo 'ntar avadadhāti taṃ smaivodgātāraṃ vṛṇīṣva
- 15
स वाव तेषां कामानाम् अभिवोढा य एतासु कामाः
sa vāva teṣāṃ kāmānām abhivoḍhā ya etāsu kāmāḥ
- 16
स उ एव पुनर्मृत्योर् अतिवोढा य एवं वेदेति
sa u eva punarmṛtyor ativoḍhā ya evaṃ vedeti

