12 shlokas
- 1
प्रष्टिर् इव ह खलु वा एतत्स्तोत्राणां यत्षोडशी
praṣṭir iva ha khalu vā etatstotrāṇāṃ yatṣoḍaśī
- 2
यद्वै प्रष्टिर् अनियुक्तो वहत्य् अप वा वै स छिनत्ति निर्वा मार्ष्टि
yadvai praṣṭir aniyukto vahaty apa vā vai sa chinatti nirvā mārṣṭi
- 3
अन्त्येन स्तोत्रेण समस्तोमो भवति
antyena stotreṇa samastomo bhavati
- 4
स यथा प्रष्टिं प्रष्टियुगाय नियुञ्ज्याद् एवम् एवैतत्पूर्वेषु स्तोत्रेषु षोडशिनम् अनुनियुनक्त्य् अनिर्मार्गाय
sa yathā praṣṭiṃ praṣṭiyugāya niyuñjyād evam evaitatpūrveṣu stotreṣu ṣoḍaśinam anuniyunakty anirmārgāya
- 5
अनाक्षिद् इव ह खलु वा एतत्स्तोत्राणां यत्षोडशी
anākṣid iva ha khalu vā etatstotrāṇāṃ yatṣoḍaśī
- 6
अन्त्येन स्तोत्रेण समस्तोमो भवत्य् अनाक्षित्तायै
antyena stotreṇa samastomo bhavaty anākṣittāyai
- 7
जामीव ह खलु वा एतत्स्तोत्राणां यत्षोडशी
jāmīva ha khalu vā etatstotrāṇāṃ yatṣoḍaśī
- 8
अन्त्येन स्तोत्रेण समस्तोमो भवत्य् अजामितायै
antyena stotreṇa samastomo bhavaty ajāmitāyai
- 9
पशवो वा उक्थानि
paśavo vā ukthāni
- 10
वज्रः षोडशी
vajraḥ ṣoḍaśī
- 11
यद् उक्थानाम् अन्ततः षोडशिना स्तुवन्ति वज्रेणैव तत्पशून्परिगृह्णन्त्य् अपरावापाय
yad ukthānām antataḥ ṣoḍaśinā stuvanti vajreṇaiva tatpaśūnparigṛhṇanty aparāvāpāya
- 12
नास्य वित्तं परोप्यते य एवं वेद
nāsya vittaṃ paropyate ya evaṃ veda

