14 shlokas
- 1
दशाक्षरा ह साग्र आस
daśākṣarā ha sāgra āsa
- 2
साप्ययनकामाद् अष्टाक्षराणि पदानि चक्रे
sāpyayanakāmād aṣṭākṣarāṇi padāni cakre
- 3
यद्य् अतिच्छन्दसि यदि विराजि यस्मिन्कस्मिंश्चिच्छन्दस्य् अष्टाक्षरं पदम् अधिगम्यते गायत्रीम् एव तेन सर्वाणि छन्दांस्य् अपियन्ति
yady aticchandasi yadi virāji yasminkasmiṃścicchandasy aṣṭākṣaraṃ padam adhigamyate gāyatrīm eva tena sarvāṇi chandāṃsy apiyanti
- 4
स य एतद् एवं वेद गायत्रीं सर्वाणि छन्दांस्य् अपियन्तीत्य् अभि हैनं स्वाः संजानते श्रेष्ठतायै
sa ya etad evaṃ veda gāyatrīṃ sarvāṇi chandāṃsy apiyantīty abhi hainaṃ svāḥ saṃjānate śreṣṭhatāyai
- 5
तद् आहुर् अति त्रिवृतं स्तोमा यन्ति न गायत्रीं छन्दांसीति
tad āhur ati trivṛtaṃ stomā yanti na gāyatrīṃ chandāṃsīti
- 6
नाहैव त्रिवृतं स्तोमा अतियन्तीति ब्रूयान्नो गायत्रीं छन्दांसीति
nāhaiva trivṛtaṃ stomā atiyantīti brūyānno gāyatrīṃ chandāṃsīti
- 7
त्रिप्रायणा हि स्तोमास्त्रिमध्यास्त्र्युदयाः
triprāyaṇā hi stomāstrimadhyāstryudayāḥ
- 8
एतद् उ गायत्रीं सर्वाणि छन्दांसि नातियन्ति
etad u gāyatrīṃ sarvāṇi chandāṃsi nātiyanti
- 9
अथ हौपाविर् आरुणिं पप्रच्छारुण आरुणे कस्मै कम् अनुष्टुब्यज्ञम् उद्यच्छतीति
atha haupāvir āruṇiṃ papracchāruṇa āruṇe kasmai kam anuṣṭubyajñam udyacchatīti
- 10
तद्ध न प्रत्युवाच
taddha na pratyuvāca
- 11
स होवाचाजिनम् अजिनात कं प्रतत ब्रवीमि मामधा इति वाव मे गौतमः प्रोच्यमानं न मनुत इति
sa hovācājinam ajināta kaṃ pratata bravīmi māmadhā iti vāva me gautamaḥ procyamānaṃ na manuta iti
- 12
स यत्प्रत्यवक्ष्यत्प्रजापतिर्वा अनुष्टुप्प्रजापतिर्वै कः प्रजापतये कम् उद्यच्छतीति ह प्रत्यवक्ष्यद् इति
sa yatpratyavakṣyatprajāpatirvā anuṣṭupprajāpatirvai kaḥ prajāpataye kam udyacchatīti ha pratyavakṣyad iti
- 13
तद् उ ह शश्वन्न तथा
tad u ha śaśvanna tathā
- 14
यद् एव बृहतीं सर्वाणि छन्दांस्य् अभिसंपद्यन्ते बृहती स्वर्गो लोकस्स्वर्गाय लोकाय कम् उद्यच्छतीति हैव प्रत्यवक्ष्यद् इति
yad eva bṛhatīṃ sarvāṇi chandāṃsy abhisaṃpadyante bṛhatī svargo lokassvargāya lokāya kam udyacchatīti haiva pratyavakṣyad iti

