10 shlokas
- 1
अथास्यां दिशि कूपं खात्वा वपन्ति केशश्मश्रूणि
athāsyāṃ diśi kūpaṃ khātvā vapanti keśaśmaśrūṇi
- 2
उप्त्वा केशश्मश्रूणि नखान्निकृन्तन्ति
uptvā keśaśmaśrūṇi nakhānnikṛntanti
- 3
नखान्निकृत्य निरान्त्रं कुर्वन्ति
nakhānnikṛtya nirāntraṃ kurvanti
- 4
निरान्त्रं कृत्वा निष्पुरीषं कुर्वन्ति
nirāntraṃ kṛtvā niṣpurīṣaṃ kurvanti
- 5
निष्पुरीषं कृत्वा पांसुभिः कूपे पुरीषम् अभिसंवपन्ति
niṣpurīṣaṃ kṛtvā pāṃsubhiḥ kūpe purīṣam abhisaṃvapanti
- 6
पाप्मानम् एवास्य तत्प्रच्छादयन्ति
pāpmānam evāsya tatpracchādayanti
- 7
प्रक्षाल्यान्त्राणि प्रत्यवधायैनम् आहरन्ति
prakṣālyāntrāṇi pratyavadhāyainam āharanti
- 8
तम् अन्तरेणाग्नीन्निधाय गार्हपत्य आज्यं विलाप्योत्पूय चतुर्गृहीतं गृहीत्वा गत्वाहवनीये समिद्वत्य् अन्वारब्धे जुहोति
tam antareṇāgnīnnidhāya gārhapatya ājyaṃ vilāpyotpūya caturgṛhītaṃ gṛhītvā gatvāhavanīye samidvaty anvārabdhe juhoti
- 9
अयं वै त्वद् अस्माद् असि त्वम् एतद् अयं ते योनिर् अस्य योनिस्त्वं पिता पुत्राय लोककृज्जातवेदो नया ह्य् एनं सुकृतां यत्र लोको ऽस्माद्वै त्वम् अजायथा एष त्वज्जायतां स्वाहेति
ayaṃ vai tvad asmād asi tvam etad ayaṃ te yonir asya yonistvaṃ pitā putrāya lokakṛjjātavedo nayā hy enaṃ sukṛtāṃ yatra loko 'smādvai tvam ajāyathā eṣa tvajjāyatāṃ svāheti
- 10
सो ऽत आहुतिमयो मनोमयः प्राणमयश्चक्षुर्मयः श्रोत्रमयो वाङ्मय ऋङ्मयो यजुर्मयः साममयो ब्रह्ममयो हिरण्मयो ऽमृतः सम्भवति
so 'ta āhutimayo manomayaḥ prāṇamayaścakṣurmayaḥ śrotramayo vāṅmaya ṛṅmayo yajurmayaḥ sāmamayo brahmamayo hiraṇmayo 'mṛtaḥ sambhavati

