17 shlokas
- 1
तद्वै तद् अग्निहोत्रं त्र्यहम् एव पयसा जुहुयात्
tadvai tad agnihotraṃ tryaham eva payasā juhuyāt
- 2
तद्वा अग्निष्टोमस्य रूपम्
tadvā agniṣṭomasya rūpam
- 3
अग्निष्टोमेनैवास्येष्टं भवति य एवं विद्वान् अग्निहोत्रं जुहोति
agniṣṭomenaivāsyeṣṭaṃ bhavati ya evaṃ vidvān agnihotraṃ juhoti
- 4
तद्वै तद् अग्निहोत्रं त्र्यहम् एव दध्ना जुहुयात्
tadvai tad agnihotraṃ tryaham eva dadhnā juhuyāt
- 5
तद्वै वाजपेयस्य रूपम्
tadvai vājapeyasya rūpam
- 6
वाजपेयेनैवास्येष्टं भवति य एवं विद्वान् अग्निहोत्रं जुहोति
vājapeyenaivāsyeṣṭaṃ bhavati ya evaṃ vidvān agnihotraṃ juhoti
- 7
तद्वै तद् अग्निहोत्रं त्र्यहम् एवाज्येन जुहुयात्
tadvai tad agnihotraṃ tryaham evājyena juhuyāt
- 8
तद्वा अश्वमेधस्य रूपम्
tadvā aśvamedhasya rūpam
- 9
अश्वमेधेनैवास्येष्टं भवति य एवं विद्वान् अग्निहोत्रं जुहोति
aśvamedhenaivāsyeṣṭaṃ bhavati ya evaṃ vidvān agnihotraṃ juhoti
- 10
तद्वै तद् अग्निहोत्रं त्र्यहम् एवाद्भिर्जुहुयात्
tadvai tad agnihotraṃ tryaham evādbhirjuhuyāt
- 11
तद्वै पुरुषमेधस्य रूपम्
tadvai puruṣamedhasya rūpam
- 12
पुरुषमेधेनैवास्येष्टं भवति य एवं विद्वान् अग्निहोत्रं जुहोति
puruṣamedhenaivāsyeṣṭaṃ bhavati ya evaṃ vidvān agnihotraṃ juhoti
- 13
स्वयम् अहतवासा यजमानो ऽग्निहोत्रं जुहुयाद् अजस्रेष्व् अग्निष्व् अप्रवसन्
svayam ahatavāsā yajamāno 'gnihotraṃ juhuyād ajasreṣv agniṣv apravasan
- 14
त्रयोदशीं रात्रिं सोमेन वा पशुना वेष्ट्वोत्सृजेत
trayodaśīṃ rātriṃ somena vā paśunā veṣṭvotsṛjeta
- 15
यथा सावसान्कृत्वा प्रार्जयेत्तादृक्तत्
yathā sāvasānkṛtvā prārjayettādṛktat
- 16
तद्वै तद् अग्निहोत्रं द्वादशाहम् एव पूर्वे मनुष्या जुहवांचक्रुः
tadvai tad agnihotraṃ dvādaśāham eva pūrve manuṣyā juhavāṃcakruḥ
- 17
तस्मात्तेषां दुहे धेनुर्वहत्य् अनड्वान् आधानप्रतिहितो ऽश्वो ऽश्वतर उपतिष्ठत्य् अधिकक्ष्यो हस्ती वहति
tasmātteṣāṃ duhe dhenurvahaty anaḍvān ādhānapratihito 'śvo 'śvatara upatiṣṭhaty adhikakṣyo hastī vahati

