13 shlokas
- 1
अदुग्धा अनन्ता अपारा इति
adugdhā anantā apārā iti
- 2
तद्यद्वै भूर् इति तद् अयं लोकः
tadyadvai bhūr iti tad ayaṃ lokaḥ
- 3
यद्भुव इति तद् इदम् अन्तरिक्षम्
yadbhuva iti tad idam antarikṣam
- 4
यत्स्वर् इति तद् असौ लोकः
yatsvar iti tad asau lokaḥ
- 5
एता वै व्याहृतय एता देवताः
etā vai vyāhṛtaya etā devatāḥ
- 6
एता देवता एता व्याहृतय इत्य् एतद्ध तद्विदुषश्शितिबाहोर् ऐषकृतस्य नैमिशेर्मर्कटः पुरोडाशं प्रममाथ
etā devatā etā vyāhṛtaya ity etaddha tadviduṣaśśitibāhor aiṣakṛtasya naimiśermarkaṭaḥ puroḍāśaṃ pramamātha
- 7
स होवाच चतुर्गृहीतम् आज्यं गृहीत्वा वा हर जुहोमि वेति
sa hovāca caturgṛhītam ājyaṃ gṛhītvā vā hara juhomi veti
- 8
स होवाच तद् उ ह त्वम् इत्थं चामुथा चास यदि त्वम् अनूचिषे मर्कटः पुरोडाशं प्रमथिष्यति तस्य प्रायश्चित्तिम् इति
sa hovāca tad u ha tvam itthaṃ cāmuthā cāsa yadi tvam anūciṣe markaṭaḥ puroḍāśaṃ pramathiṣyati tasya prāyaścittim iti
- 9
स होवाच तद् अहाहं वसीयान्भूयासं यद् अहम् अन्वब्रुव्य् असमाज्ञातस्य प्रायश्चित्तिम् आ वा हर जुहोमि वेति
sa hovāca tad ahāhaṃ vasīyānbhūyāsaṃ yad aham anvabruvy asamājñātasya prāyaścittim ā vā hara juhomi veti
- 10
आहराणीति होवाच मा हौषीर् इति
āharāṇīti hovāca mā hauṣīr iti
- 11
तम् उ हाजहार
tam u hājahāra
- 12
तद्यस्यैवं विद्वान्ब्रह्मा भवति दक्षिणतो हास्योदङ्यज्ञः प्रवणो भवति
tadyasyaivaṃ vidvānbrahmā bhavati dakṣiṇato hāsyodaṅyajñaḥ pravaṇo bhavati
- 13
दक्षिणतो हास्योदङ्यज्ञः प्रवणः संतिष्ठते यस्यैवं विद्वान्ब्रह्मा भवति य उ चैनम् एवं वेद य उ चैनम् एवं वेद
dakṣiṇato hāsyodaṅyajñaḥ pravaṇaḥ saṃtiṣṭhate yasyaivaṃ vidvānbrahmā bhavati ya u cainam evaṃ veda ya u cainam evaṃ veda

