16 shlokas
- 1
द्वे वावेदम् अग्रे सवने आस्ताम्
dve vāvedam agre savane āstām
- 2
द्वाभ्यां वावेदं सवनाभ्यां देवा अग्रे व्यजयन्त
dvābhyāṃ vāvedaṃ savanābhyāṃ devā agre vyajayanta
- 3
तान्विजित्य यथालोकम् आसीनान् इन्द्र एत्याब्रवीत्त्रीणि छन्दांसि त्रयः प्राणापानव्यानास्त्रय इमे लोकास्त्रिर्देवेष्व् इत्य् आहुर् एत इमानि त्रीणि सवनानि करवामेति
tānvijitya yathālokam āsīnān indra etyābravīttrīṇi chandāṃsi trayaḥ prāṇāpānavyānāstraya ime lokāstrirdeveṣv ity āhur eta imāni trīṇi savanāni karavāmeti
- 4
ते ऽब्रुवन्न शक्ष्यामो ऽनेन न्वाव वयं पूर्वेण कर्मणा परिश्रान्ताः स्म इति
te 'bruvanna śakṣyāmo 'nena nvāva vayaṃ pūrveṇa karmaṇā pariśrāntāḥ sma iti
- 5
स इन्द्रो ऽब्रवीत्स वा अहं मद् एवाधि तृतीयसवनं निर्मिमा इति
sa indro 'bravītsa vā ahaṃ mad evādhi tṛtīyasavanaṃ nirmimā iti
- 6
स आत्मन एवाधि तृतीयसवनं निरमिमीत
sa ātmana evādhi tṛtīyasavanaṃ niramimīta
- 7
तद् इन्द्रो ह वा एतद्देवतानां यत्तृतीयसवनम्
tad indro ha vā etaddevatānāṃ yattṛtīyasavanam
- 8
इन्द्रेण हास्य देवतानां स्तुतं भवति य एवं विद्वांस्तृतीयसवनेन स्तुते
indreṇa hāsya devatānāṃ stutaṃ bhavati ya evaṃ vidvāṃstṛtīyasavanena stute
- 9
धीतम् इव वै तृतीयसवनम्
dhītam iva vai tṛtīyasavanam
- 10
जागतं सुपर्ण आहरन्न् अधयत्
jāgataṃ suparṇa āharann adhayat
- 11
तद् एतत्पीडितम् इव
tad etatpīḍitam iva
- 12
स्वादिष्ठयेति स्वदयन्त्य् एवैनत्तेन
svādiṣṭhayeti svadayanty evainattena
- 13
मदिष्ठयेति रसम् एवास्मिंस्तन्मदं दधति
madiṣṭhayeti rasam evāsmiṃstanmadaṃ dadhati
- 14
आशिरम् अवनयन्ति पशुना चरन्त्य् ऐवैनत्तेन प्याययन्ति
āśiram avanayanti paśunā caranty aivainattena pyāyayanti
- 15
रक्षोहा विश्वचर्षणिर् अभि योनिम् अयोहत इति पूर्वयोर् एवैष सवनयोर् अभिसंक्रमः
rakṣohā viśvacarṣaṇir abhi yonim ayohata iti pūrvayor evaiṣa savanayor abhisaṃkramaḥ
- 16
तासु गायत्रम् उक्तब्राह्मणम्
tāsu gāyatram uktabrāhmaṇam

