11 shlokas
- 1
तानि सर्वाण्य् अक्षराण्य् उद्धृत्य वाचं दध्यात्
tāni sarvāṇy akṣarāṇy uddhṛtya vācaṃ dadhyāt
- 2
वाग्वै ब्रह्म
vāgvai brahma
- 3
तद्यथा चर्मणा कूदीकण्टकान्प्रावृत्यातीयाद् एवम् एवैतद्वाचा ब्रह्मणा यज्ञस्थाणुं प्रमृद्य स्वस्त्य् अतिक्रामति नार्तिम् आर्च्छति
tadyathā carmaṇā kūdīkaṇṭakānprāvṛtyātīyād evam evaitadvācā brahmaṇā yajñasthāṇuṃ pramṛdya svasty atikrāmati nārtim ārcchati
- 4
अव वा एतत्प्रतिहर्ता साम्नश्छिद्यते यद्गायत्रस्य न प्रतिहरति
ava vā etatpratihartā sāmnaśchidyate yadgāyatrasya na pratiharati
- 5
प्रस्तूयमानं मनसा प्रतिहिंकुर्यात्
prastūyamānaṃ manasā pratihiṃkuryāt
- 6
अपान्य वाग् इति ब्रूयात्
apānya vāg iti brūyāt
- 7
तथा साम्नो नावच्छिद्यते नार्तिम् आर्च्छति
tathā sāmno nāvacchidyate nārtim ārcchati
- 8
यो वा अक्षरम् अंशुमद्वेद वहन्त्य् एनम् अंशुमतीः संयुक्ताः
yo vā akṣaram aṃśumadveda vahanty enam aṃśumatīḥ saṃyuktāḥ
- 9
वाग्वा अक्षरम्
vāgvā akṣaram
- 10
तस्यै प्राण एवांशुः
tasyai prāṇa evāṃśuḥ
- 11
वहन्त्य् एनम् अंशुमतीः संयुक्ता य एवं वेद
vahanty enam aṃśumatīḥ saṃyuktā ya evaṃ veda

