20 shlokas
- 1
इति ह स्माहाद्धियः सात्ययज्ञिः
iti ha smāhāddhiyaḥ sātyayajñiḥ
- 2
अर्धुकम् अस्मै स्वायां जनतायां भवति य एवं विद्वान्धुरो न विगायतीति
ardhukam asmai svāyāṃ janatāyāṃ bhavati ya evaṃ vidvāndhuro na vigāyatīti
- 3
तस्माद्यदीतरा धुरो विगायेद्व्य् एवाज्यधुरश्च पवमानधुरश्च गायेद् इति
tasmādyadītarā dhuro vigāyedvy evājyadhuraśca pavamānadhuraśca gāyed iti
- 4
तद् उ होवाच शाट्यायनिर्विकर्षन्त एते धुरो ये विगायन्ति
tad u hovāca śāṭyāyanirvikarṣanta ete dhuro ye vigāyanti
- 5
यदि त्रिष्टुभं गायति यस्त्रिष्टुभो माध्यंदिने रसस्तं प्रातस्सवने दधाति
yadi triṣṭubhaṃ gāyati yastriṣṭubho mādhyaṃdine rasastaṃ prātassavane dadhāti
- 6
यदि रथन्तरवर्णां गायति यो रथन्तरस्य पृष्ठेषु रसस्तं प्रातस्सवने दधाति
yadi rathantaravarṇāṃ gāyati yo rathantarasya pṛṣṭheṣu rasastaṃ prātassavane dadhāti
- 7
यदि जगतीं गायति यो जगत्यै तृतीयसवने रसस्तं प्रातस्सवने दधाति
yadi jagatīṃ gāyati yo jagatyai tṛtīyasavane rasastaṃ prātassavane dadhāti
- 8
यद्य् अनुष्टुभं गायति वाग्वा अनुष्टुप्तां प्रातस्सवने दधाति
yady anuṣṭubhaṃ gāyati vāgvā anuṣṭuptāṃ prātassavane dadhāti
- 9
सेयं वाग् अनुष्टुप्प्रातस्सवने बद्धा न कस्मै चनालं भवति
seyaṃ vāg anuṣṭupprātassavane baddhā na kasmai canālaṃ bhavati
- 10
यद्य् अप्य् आग्नेयम् एवाज्यम् अपिवहेच्छून्ये अमू सवने यातयाम्नी स्याताम्
yady apy āgneyam evājyam apivahecchūnye amū savane yātayāmnī syātām
- 11
यद्य् उ वै समाने यज्ञक्रतौ द्वेधा जिगासति विषिक्ता इमे रसा यातयामानो भवन्ति
yady u vai samāne yajñakratau dvedhā jigāsati viṣiktā ime rasā yātayāmāno bhavanti
- 12
तद् उ तद्विकृष्टम् उ एव
tad u tadvikṛṣṭam u eva
- 13
साध्व् एतस्यै नोपपादो ऽस्ति
sādhv etasyai nopapādo 'sti
- 14
तस्माद् ओ वा ओ वा इत्य् एव गायेत्
tasmād o vā o vā ity eva gāyet
- 15
अथो द्वे वाव धुरौ मनश्चैव वाक्च
atho dve vāva dhurau manaścaiva vākca
- 16
मनसो हि वाक्प्रजायते
manaso hi vākprajāyate
- 17
सा मनोनेत्रा वाग्भवति
sā manonetrā vāgbhavati
- 18
तन्मनो वाचम् अभिप्रवहति
tanmano vācam abhipravahati
- 19
वाग् उ पुनर्मन एवाभिप्रवहति
vāg u punarmana evābhipravahati
- 20
स यो मनसश्च वाचश्च स्वरो जायते
sa yo manasaśca vācaśca svaro jāyate

