18 shlokas
- 1
प्रजापतिर्यद्देवेभ्यस्तन्वो व्यभजत्ततो या हरिवत्य् आसीत्ताम् आत्मने ऽशिंषत्
prajāpatiryaddevebhyastanvo vyabhajattato yā harivaty āsīttām ātmane 'śiṃṣat
- 2
ताम् इन्द्राय प्रायच्छत्
tām indrāya prāyacchat
- 3
तयेन्द्रो ज्यैष्ठ्यम् अगच्छत्
tayendro jyaiṣṭhyam agacchat
- 4
तद्यद्धरिवतीषु स्तुवन्ति तद्ध्य् एव ज्यैष्ठ्यम्
tadyaddharivatīṣu stuvanti taddhy eva jyaiṣṭhyam
- 5
हरिवतीः परोक्षम् अनुष्टुभः सम्पद्यन्ते
harivatīḥ parokṣam anuṣṭubhaḥ sampadyante
- 6
ताः संस्तुताश्चतुस्त्रिंशदक्षरा भवन्ति
tāḥ saṃstutāścatustriṃśadakṣarā bhavanti
- 7
ततो ये चतुस्त्रिंशे अक्षरे साम्नस्ताभ्यां लोको विधीयत इत्य् आहुः
tato ye catustriṃśe akṣare sāmnastābhyāṃ loko vidhīyata ity āhuḥ
- 8
यत्पञ्चत्रिंशदक्षरासु स्तुयुः परं रूपम् उपपद्येरन्बार्हतम्
yatpañcatriṃśadakṣarāsu stuyuḥ paraṃ rūpam upapadyeranbārhatam
- 9
यत्त्रयस्त्रिंशदक्षरासु स्तुयुर् अपरं रूपम् उपपद्येरन्न् आनुष्टुभम्
yattrayastriṃśadakṣarāsu stuyur aparaṃ rūpam upapadyerann ānuṣṭubham
- 10
यत्सप्तदशः स्तोमः स्यात्परमं रूपम् उपपद्येरन्
yatsaptadaśaḥ stomaḥ syātparamaṃ rūpam upapadyeran
- 11
यत्पञ्चदशः स्तोमः स्याद् अवमं रूपम् उपपद्येरन्
yatpañcadaśaḥ stomaḥ syād avamaṃ rūpam upapadyeran
- 12
यत्षोडशिना षोडशस्तोमेन चतुस्त्रिंशदक्षरासु स्तुवन्ति स्वेनैवैनं तद् आयतनेन समर्धयन्ति
yatṣoḍaśinā ṣoḍaśastomena catustriṃśadakṣarāsu stuvanti svenaivainaṃ tad āyatanena samardhayanti
- 13
तेनैभ्यः समृद्धेन स्वायां जनतायाम् अर्धुकं भवति
tenaibhyaḥ samṛddhena svāyāṃ janatāyām ardhukaṃ bhavati
- 14
षोडश स्तोत्राणि षोडश शस्त्राणि
ṣoḍaśa stotrāṇi ṣoḍaśa śastrāṇi
- 15
तद्द्वात्रिंशत्
taddvātriṃśat
- 16
द्वात्रिंशदक्षरानुष्टुप्
dvātriṃśadakṣarānuṣṭup
- 17
आनुष्टुभः षोडश्य् अनुष्टुभं सम्पन्नः
ānuṣṭubhaḥ ṣoḍaśy anuṣṭubhaṃ sampannaḥ
- 18
देवछन्दसानि वा अन्यान्य् आसन्न् असुरछन्दसान्य् अन्यानि
devachandasāni vā anyāny āsann asurachandasāny anyāni

