19 shlokas
- 1
ते हारुणिम् ऊचुस्त्वं वै न आचार्यो ऽसि
te hāruṇim ūcustvaṃ vai na ācāryo 'si
- 2
त्वं प्रथमो ब्रूष्वेति
tvaṃ prathamo brūṣveti
- 3
स होवाच गायत्रीम् एवाहं प्रियम् उपास इति
sa hovāca gāyatrīm evāhaṃ priyam upāsa iti
- 4
प्राणो वै गायत्री
prāṇo vai gāyatrī
- 5
प्राणो वै प्रियम्
prāṇo vai priyam
- 6
न वै प्राणात्प्रेयः किं चनास्ति
na vai prāṇātpreyaḥ kiṃ canāsti
- 7
स य एवम् एतां गायत्रीं प्रियम् उपास्ते यथा प्रिय एव प्राण आत्मन एवं प्रिय एव स कीर्तेर् एवं प्रियश्चक्षुष एवं प्रियः सनेर्भवतीति
sa ya evam etāṃ gāyatrīṃ priyam upāste yathā priya eva prāṇa ātmana evaṃ priya eva sa kīrter evaṃ priyaścakṣuṣa evaṃ priyaḥ sanerbhavatīti
- 8
अथ होवाच जीवलः कारीरादिस्त्रिष्टुभम् एवाहं श्रियम् उपास इति
atha hovāca jīvalaḥ kārīrādistriṣṭubham evāhaṃ śriyam upāsa iti
- 9
क्षत्रं वै त्रिष्टुप्
kṣatraṃ vai triṣṭup
- 10
क्षत्रं वै श्रीः
kṣatraṃ vai śrīḥ
- 11
स य एवम् एतां त्रिष्टुभं श्रियम् उपास्ते यस्मिन्न् एवार्धे भवति तस्य श्रेष्ठो भवत्य् अप्य् एनं राजानो ऽधस्ताद् उपासत इति
sa ya evam etāṃ triṣṭubhaṃ śriyam upāste yasminn evārdhe bhavati tasya śreṣṭho bhavaty apy enaṃ rājāno 'dhastād upāsata iti
- 12
अथ होवाचाषाढः सावयसो जगतीम् एवाहं भूमानं प्रजातिम् उपास इति
atha hovācāṣāḍhaḥ sāvayaso jagatīm evāhaṃ bhūmānaṃ prajātim upāsa iti
- 13
भूमा वै प्रजातिर्जगती छन्दसाम्
bhūmā vai prajātirjagatī chandasām
- 14
स य एवम् एतां जगतीं भूमानं प्रजातिम् उपास्ते भूमानम् एव प्रजया पशुभिर्गच्छति यत्रैव सजातो भवति तद्ग्रामणीर्भवतीति
sa ya evam etāṃ jagatīṃ bhūmānaṃ prajātim upāste bhūmānam eva prajayā paśubhirgacchati yatraiva sajāto bhavati tadgrāmaṇīrbhavatīti
- 15
अथ होवाचेन्द्रद्युम्नो भाल्लबेयो ऽनुष्टुभम् एवाहं यश उपास इति
atha hovācendradyumno bhāllabeyo 'nuṣṭubham evāhaṃ yaśa upāsa iti
- 16
वाग्वा अनुष्टुप्
vāgvā anuṣṭup
- 17
वाग् उ वै यशः
vāg u vai yaśaḥ
- 18
वाग् उपर्य् उपर्य् अन्यान्कीर्तिश्चरति
vāg upary upary anyānkīrtiścarati
- 19
स य एवम् एताम् अनुष्टुभं यश उपास्त एषैवास्य वाग् अनुष्टुब् उपर्य् उपर्य् एवान्यान्कीर्तिर्विहरन्त्य् एति विवचनम् एव भवतीति
sa ya evam etām anuṣṭubhaṃ yaśa upāsta eṣaivāsya vāg anuṣṭub upary upary evānyānkīrtirviharanty eti vivacanam eva bhavatīti

