20 shlokas
- 1
पवस्व वाचो अग्रिय इति श्रैष्ठ्यकामः प्रतिपदं कुर्वीत
pavasva vāco agriya iti śraiṣṭhyakāmaḥ pratipadaṃ kurvīta
- 2
प्रजापतिः प्रजा असृजत
prajāpatiḥ prajā asṛjata
- 3
ता एनं सृष्टा नापाचायन्
tā enaṃ sṛṣṭā nāpācāyan
- 4
सो ऽकामयत श्रैष्ठ्यम् आसां प्रजानां गच्छेयम् इति
so 'kāmayata śraiṣṭhyam āsāṃ prajānāṃ gaccheyam iti
- 5
स एतां प्रतिपदम् अपश्यत्
sa etāṃ pratipadam apaśyat
- 6
तयास्तुत
tayāstuta
- 7
ततो वै स तासां प्रजानां श्रैष्ठ्यम् अगच्छत्
tato vai sa tāsāṃ prajānāṃ śraiṣṭhyam agacchat
- 8
गच्छति स्वानां श्रैष्ठ्यं य एवं वेद
gacchati svānāṃ śraiṣṭhyaṃ ya evaṃ veda
- 9
एषो ह वै समृद्धा स्तोत्रिया यस्यै पवस्वेत्य् आरम्भः
eṣo ha vai samṛddhā stotriyā yasyai pavasvety ārambhaḥ
- 10
समृद्धयैवास्य स्तोत्रियया स्तुतं भवति
samṛddhayaivāsya stotriyayā stutaṃ bhavati
- 11
यो वै दैव्यं मिथुनं वेद प्र मिथुनेन जायते
yo vai daivyaṃ mithunaṃ veda pra mithunena jāyate
- 12
पवस्वेति च वै वाच इति च दैव्यं मिथुनम्
pavasveti ca vai vāca iti ca daivyaṃ mithunam
- 13
प्र मिथुनेन जायते य एवं वेद
pra mithunena jāyate ya evaṃ veda
- 14
सर्वेषां वा एषा त्रयाणां साम्नां प्रतिपत्पवस्वेति वामदेव्यस्य वाच इति रथन्तरस्याग्रिय इति बृहतः
sarveṣāṃ vā eṣā trayāṇāṃ sāmnāṃ pratipatpavasveti vāmadevyasya vāca iti rathantarasyāgriya iti bṛhataḥ
- 15
सर्वेषाम् अस्य साम्नां प्रतिपदा स्तुतं भवति
sarveṣām asya sāmnāṃ pratipadā stutaṃ bhavati
- 16
सोम चित्राभिर् ऊतिभिर् इति
soma citrābhir ūtibhir iti
- 17
सोमो वै देवानां चित्रम्
somo vai devānāṃ citram
- 18
सोमेनैव देवानां चित्रेण बहुर्भवति प्रजायते
somenaiva devānāṃ citreṇa bahurbhavati prajāyate
- 19
अभि विश्वानि काव्येति
abhi viśvāni kāvyeti
- 20
विश्वम् एवैतेन काव्यम् अवरुन्द्धे
viśvam evaitena kāvyam avarunddhe

