12 shlokas
- 1
तद् आहुर् अध्वर्यो किं स्तुतं स्तोत्रं होता प्रातरनुवाकेनान्वशंसीद् इति
tad āhur adhvaryo kiṃ stutaṃ stotraṃ hotā prātaranuvākenānvaśaṃsīd iti
- 2
अकर्म वयं तद्यद् अस्माकं कर्मेत्य् आह होतारं पृच्छतेति
akarma vayaṃ tadyad asmākaṃ karmety āha hotāraṃ pṛcchateti
- 3
होतः किं स्तुतं स्तोत्रं प्रातरनुवाकेनान्वशंसीर् इति
hotaḥ kiṃ stutaṃ stotraṃ prātaranuvākenānvaśaṃsīr iti
- 4
अकर्म वयं तद्यद् अस्माकं कर्मेत्य् आहोद्गातारं पृच्छतेति
akarma vayaṃ tadyad asmākaṃ karmety āhodgātāraṃ pṛcchateti
- 5
उद्गातः किं स्तुतं स्तोत्रं होता प्रातरनुवाकेनान्वशंसीद् इति
udgātaḥ kiṃ stutaṃ stotraṃ hotā prātaranuvākenānvaśaṃsīd iti
- 6
अकर्म वयं तद्यद् अस्माकं कर्मेति ब्रूयाद् अगासिष्म यद् अत्र गेयम् इति
akarma vayaṃ tadyad asmākaṃ karmeti brūyād agāsiṣma yad atra geyam iti
- 7
तं यदि ब्रूयुस्तमांसि वा अगासीर्न ज्योतींषीति ज्योतींष्य् एवाहम् अगासिषम् इति ब्रूयान्न तमांसीति
taṃ yadi brūyustamāṃsi vā agāsīrna jyotīṃṣīti jyotīṃṣy evāham agāsiṣam iti brūyānna tamāṃsīti
- 8
ज्योतिस्तद्यद् ऋक्
jyotistadyad ṛk
- 9
ज्योतिस्तद्यत्साम
jyotistadyatsāma
- 10
ज्योतिस्तद्यद्देवता
jyotistadyaddevatā
- 11
एतानि वा अहम्ज्योतींष्य् अगासिषं युष्मान् एव तमसा पाप्मना विध्यानीति
etāni vā ahamjyotīṃṣy agāsiṣaṃ yuṣmān eva tamasā pāpmanā vidhyānīti
- 12
तमसा चैवैनांस्तत्पाप्मना च विध्यति
tamasā caivaināṃstatpāpmanā ca vidhyati

