12 shlokas
- 1
अत्र वै ब्रह्म न विराजत्य् अनाथम् अपरायणम् अनुत्तरम्
atra vai brahma na virājaty anātham aparāyaṇam anuttaram
- 2
तद्वै तद् अग्निहोत्रं द्वादशाहं ब्रह्म जुहवांचकार
tadvai tad agnihotraṃ dvādaśāhaṃ brahma juhavāṃcakāra
- 3
तद्द्वादशाहं हुत्वा कीर्तिं यशः प्रजातिम् अमृतं तद् उदाजहार
taddvādaśāhaṃ hutvā kīrtiṃ yaśaḥ prajātim amṛtaṃ tad udājahāra
- 4
तद्वै तद् अग्निहोत्रं द्वादशाहं ब्रह्म हुत्वा प्रजापतये प्रत्यूह्य स्वर्गं लोकम् अभ्युच्चक्राम
tadvai tad agnihotraṃ dvādaśāhaṃ brahma hutvā prajāpataye pratyūhya svargaṃ lokam abhyuccakrāma
- 5
तद्वै तद् अग्निहोत्रं द्वादशाहं प्रजापतिर्जुहवांचकार
tadvai tad agnihotraṃ dvādaśāhaṃ prajāpatirjuhavāṃcakāra
- 6
तद्द्वादशाहं हुत्वा प्रज्ञां मेधां मीमांसां तपस्तद् उदाजहार
taddvādaśāhaṃ hutvā prajñāṃ medhāṃ mīmāṃsāṃ tapastad udājahāra
- 7
तद्वै तद् अग्निहोत्रं द्वादशाहं प्रजापतिर्हुत्वा देवेभ्यश्चर्षिभ्यश्च प्रत्यूह्य स्वर्गम् एव लोकम् अभ्युच्चक्राम
tadvai tad agnihotraṃ dvādaśāhaṃ prajāpatirhutvā devebhyaścarṣibhyaśca pratyūhya svargam eva lokam abhyuccakrāma
- 8
तद्वै तद् अग्निहोत्रं द्वादशाहं देवाश्चर्षयश्च जुहवांचक्रुः
tadvai tad agnihotraṃ dvādaśāhaṃ devāścarṣayaśca juhavāṃcakruḥ
- 9
तद्द्वादशाहं हुत्वा पूर्वेभ्यो मनुष्येभ्यः प्रत्यूह्य स्वर्गम्वेव लोकम् अभ्युच्चक्रमुः
taddvādaśāhaṃ hutvā pūrvebhyo manuṣyebhyaḥ pratyūhya svargamveva lokam abhyuccakramuḥ
- 10
तद्वै तद् अग्निहोत्रं द्वादशाहं ब्रह्म जुहवांचकार द्वादशाहं प्रजापतिर्द्वादशाहं देवाश्चर्षयश्च
tadvai tad agnihotraṃ dvādaśāhaṃ brahma juhavāṃcakāra dvādaśāhaṃ prajāpatirdvādaśāhaṃ devāścarṣayaśca
- 11
तद्द्वादशाहं द्वादशाहं हुत्वा कामान्निकामान् आपुः
taddvādaśāhaṃ dvādaśāhaṃ hutvā kāmānnikāmān āpuḥ
- 12
किमु य एनद्यावज्जीवं जुहुयात्
kimu ya enadyāvajjīvaṃ juhuyāt

