10 shlokas
- 1
नमः पितृभ्यः पूर्वसद्भ्यों नमः साकंनिषद्भ्योम्
namaḥ pitṛbhyaḥ pūrvasadbhyoṃ namaḥ sākaṃniṣadbhyom
- 2
युञ्जे वाचं शतपदीं गाये सहस्रवर्तनीम्
गायत्रं त्रैष्टुभं जगद्विश्वा रूपाणि संभृतम्
देवा ओकांसि चक्रिर इति
yuñje vācaṃ śatapadīṃ gāye sahasravartanīm
gāyatraṃ traiṣṭubhaṃ jagadviśvā rūpāṇi saṃbhṛtam
devā okāṃsi cakrira iti
- 3
यन्नमः पितृभ्यः पूर्वसद्भ्य इति पितरो वा अत्र पूर्व उपसीदन्ति
yannamaḥ pitṛbhyaḥ pūrvasadbhya iti pitaro vā atra pūrva upasīdanti
- 4
स तेभ्य एवैतन्नमस्करोति
sa tebhya evaitannamaskaroti
- 5
नमः साकंनिषद्भ्य इति यैर् एव ब्राह्मणैः सहोपसीदत्य् आर्त्विज्यं करिष्यंस्तेभ्य एवैतन्नमस्करोति
namaḥ sākaṃniṣadbhya iti yair eva brāhmaṇaiḥ sahopasīdaty ārtvijyaṃ kariṣyaṃstebhya evaitannamaskaroti
- 6
युञ्जे वाचं शतपदीम् इति वाचम् एवैतच्छतपदीं युङ्क्ते
yuñje vācaṃ śatapadīm iti vācam evaitacchatapadīṃ yuṅkte
- 7
गाये सहस्रवर्तनीम् इति युक्ताम् एवैनाम् एतत्सहस्रवर्तनीं भूतां गायति
gāye sahasravartanīm iti yuktām evainām etatsahasravartanīṃ bhūtāṃ gāyati
- 8
गायत्रं त्रैष्टुभं जगद् इत्य् एतानि वै त्रीणि सवनानि तान्य् एवैतान्य् आत्मन्परिगृह्णीते
gāyatraṃ traiṣṭubhaṃ jagad ity etāni vai trīṇi savanāni tāny evaitāny ātmanparigṛhṇīte
- 9
विश्वा रूपाणि संभृतम् इति यज्ञो वै विश्वा रूपाणि यज्ञम् एवैतेन संभरति
viśvā rūpāṇi saṃbhṛtam iti yajño vai viśvā rūpāṇi yajñam evaitena saṃbharati
- 10
देवा ओकांसि चक्रिर इति सदेवम् एवैतेन यज्ञं कुरुते
devā okāṃsi cakrira iti sadevam evaitena yajñaṃ kurute

