13 shlokas
- 1
सभेयः
sabheyaḥ
- 2
एवं ह्य् एतत्कुरुपञ्चाला अविदुः
evaṃ hy etatkurupañcālā aviduḥ
- 3
तस्मात्कुरुपञ्चालेषु सर्वैर्वीरैः सह वीर आजायते
tasmātkurupañcāleṣu sarvairvīraiḥ saha vīra ājāyate
- 4
अथ यर्ह्य् एतद् उदन्ताः पुरा नावेदिषुस्तस्माद् उदन्तेषु पुरा सर्वैर्वीरैः सह वीरो नाजनि
atha yarhy etad udantāḥ purā nāvediṣustasmād udanteṣu purā sarvairvīraiḥ saha vīro nājani
- 5
अथ यत इदम् उदन्तान् एवंविदश्च सचन्त एवंविदश्चैनान्याजयन्ति ततो हार्वाचीनम् उदन्तेषु सर्वैर्वीरैः सह वीर आजायते
atha yata idam udantān evaṃvidaśca sacanta evaṃvidaścainānyājayanti tato hārvācīnam udanteṣu sarvairvīraiḥ saha vīra ājāyate
- 6
कुरुपञ्चाला ह ब्रह्मोद्यम् ऊदिरे
kurupañcālā ha brahmodyam ūdire
- 7
ते ह पञ्चालाः कुरून्पप्रच्छुः किं वयं तद्यज्ञे ऽकुर्म येनास्मासु सर्वैर्वीरैः सह वीर आजायत इति
te ha pañcālāḥ kurūnpapracchuḥ kiṃ vayaṃ tadyajñe 'kurma yenāsmāsu sarvairvīraiḥ saha vīra ājāyata iti
- 8
तद्ध न प्रत्यूचुः
taddha na pratyūcuḥ
- 9
तेन हैनाञ्जिग्युः
tena haināñjigyuḥ
- 10
ते यत्प्रत्यवक्ष्यन्यस्माद्वयम् एवंविदश्च स्म एवंविदश्च नो याजयन्ति तेनास्मासु सर्वैर्वीरैः सह वीर आजायत इति
te yatpratyavakṣyanyasmādvayam evaṃvidaśca sma evaṃvidaśca no yājayanti tenāsmāsu sarvairvīraiḥ saha vīra ājāyata iti
- 11
सर्वैर्ह वा अस्माद्वीरैः सह वीर आजायते य एवं वेद
sarvairha vā asmādvīraiḥ saha vīra ājāyate ya evaṃ veda
- 12
तद् आहुर्विगेया धुरा३ ऽविगेया३ इति
tad āhurvigeyā dhurā3 'vigeyā3 iti
- 13
विगेया इत्य् आहुः
vigeyā ity āhuḥ

