17 shlokas
- 1
प्रजननं ज्योतिः
prajananaṃ jyotiḥ
- 2
अग्निर्देवतानां ज्योतिः
agnirdevatānāṃ jyotiḥ
- 3
विराट्छन्दसां ज्योतिः
virāṭchandasāṃ jyotiḥ
- 4
विराड्वाच्य् अग्नौ संतिष्ठते
virāḍvācy agnau saṃtiṣṭhate
- 5
विराजं सम्पद्यते
virājaṃ sampadyate
- 6
तस्माद् एष ज्योतिर् उच्यते
tasmād eṣa jyotir ucyate
- 7
द्वौ स्तोमौ प्रातस्सवनं वहतो यथा चक्षुश्च प्राणश्च तथा तत्
dvau stomau prātassavanaṃ vahato yathā cakṣuśca prāṇaśca tathā tat
- 8
द्वौ स्तोमौ माध्यंदिनं सवनं वहतो यथा श्रोत्रं च बाहू च तथा तत्
dvau stomau mādhyaṃdinaṃ savanaṃ vahato yathā śrotraṃ ca bāhū ca tathā tat
- 9
द्वौ स्तोमौ तृतीयसवनं वहतो यथा मध्यं च प्रतिष्ठा च तथा तत्
dvau stomau tṛtīyasavanaṃ vahato yathā madhyaṃ ca pratiṣṭhā ca tathā tat
- 10
हिंकारेण वै ज्योतिषा देवास्त्रिवृते ब्रह्मवर्चसाय ज्योतिर् अदधुः
hiṃkāreṇa vai jyotiṣā devāstrivṛte brahmavarcasāya jyotir adadhuḥ
- 11
त्रिवृता ब्रह्मवर्चसेन पञ्चदशायौजसे वीर्याय ज्योतिर् अदधुः
trivṛtā brahmavarcasena pañcadaśāyaujase vīryāya jyotir adadhuḥ
- 12
पञ्चदशेनौजसा वीर्येण सप्तदशाय प्रजायै पशुभ्यः प्रजननाय ज्योतिर् अदधुः
pañcadaśenaujasā vīryeṇa saptadaśāya prajāyai paśubhyaḥ prajananāya jyotir adadhuḥ
- 13
सप्तदशेन प्रजया पशुभिः प्रजनेनैकविंशाय प्रतिष्ठायै ज्योतिर् अदधुः
saptadaśena prajayā paśubhiḥ prajanenaikaviṃśāya pratiṣṭhāyai jyotir adadhuḥ
- 14
स्तोमो वा एतत्स्तोमे ज्योतिर्दधद् एति
stomo vā etatstome jyotirdadhad eti
- 15
तस्माज्ज्योतिष्टोम इत्य् आख्यायते
tasmājjyotiṣṭoma ity ākhyāyate
- 16
अथ यत्स्तोमः स्तोमं सवनम् अभिप्रणयति तस्माज्ज्योतिष्टोम इत्य् आख्यायते
atha yatstomaḥ stomaṃ savanam abhipraṇayati tasmājjyotiṣṭoma ity ākhyāyate
- 17
अथो यद्यज्ञः संस्तुतो विराजम् अभिसंपद्यते ज्योतिर्विराट्तस्माज्ज्योतिष्टोम इत्य् एवाख्यायते
atho yadyajñaḥ saṃstuto virājam abhisaṃpadyate jyotirvirāṭtasmājjyotiṣṭoma ity evākhyāyate

