13 shlokas
- 1
अङ्गिरसां वै सत्त्रम् आसीनानां शर्करा अक्षिष्व् अजायन्त
aṅgirasāṃ vai sattram āsīnānāṃ śarkarā akṣiṣv ajāyanta
- 2
ते ऽकामयन्तानन्धाः स्याम प्रपश्येमेति
te 'kāmayantānandhāḥ syāma prapaśyemeti
- 3
त एतं सौम्यं श्यामं चरुम् अक्षिष्व् आदधत
ta etaṃ saumyaṃ śyāmaṃ carum akṣiṣv ādadhata
- 4
तम् एतेन मन्त्रेणादधत येन ह्य् आजिम् अजयन्नृचक्षा येन श्येनं शकुनं सुपर्णं यद् आहुश्चक्षुर् अदिताव् अनन्तं सोमो नृचक्षा मयि तद्दधात्व् इति
tam etena mantreṇādadhata yena hy ājim ajayannṛcakṣā yena śyenaṃ śakunaṃ suparṇaṃ yad āhuścakṣur aditāv anantaṃ somo nṛcakṣā mayi taddadhātv iti
- 5
ततो वै ते ऽनन्धा अभवन्प्रापश्यन्
tato vai te 'nandhā abhavanprāpaśyan
- 6
अनन्धो हैव भवति प्रपश्यति य एवं वेद
anandho haiva bhavati prapaśyati ya evaṃ veda
- 7
तद् आहुः प्राश्या३ न प्राश्या३ इति
tad āhuḥ prāśyā3 na prāśyā3 iti
- 8
स यो ऽनूचानः सन्न् अयश ऋतः स्यात्स हि तं प्राश्नीयात्
sa yo 'nūcānaḥ sann ayaśa ṛtaḥ syātsa hi taṃ prāśnīyāt
- 9
अनूचान इह वा अलं यशसे
anūcāna iha vā alaṃ yaśase
- 10
स यो ऽनूचानः सन्न् अयश ऋतो भवत्य् अमुं ह वै तस्य लोकं यशो गतं भवति
sa yo 'nūcānaḥ sann ayaśa ṛto bhavaty amuṃ ha vai tasya lokaṃ yaśo gataṃ bhavati
- 11
तद् एतेन पुनर् आह्रियते यद् एतं सौम्यं श्यामं चरुं प्राश्नाति
tad etena punar āhriyate yad etaṃ saumyaṃ śyāmaṃ caruṃ prāśnāti
- 12
तद् उ होवाच शाट्यायनिर्नैवैष प्राश्यः कस्ततो यश आहरेद्यत्र भूयसी रात्रीर्वत्स्यन्स्याद् इति
tad u hovāca śāṭyāyanirnaivaiṣa prāśyaḥ kastato yaśa āharedyatra bhūyasī rātrīrvatsyansyād iti
- 13
तस्माद् उ हैतं नैव प्राश्नीयात्
tasmād u haitaṃ naiva prāśnīyāt

