7 shlokas
- 1
संजय उवाच
त्वरमाणः पुनः कृष्णः पार्थम् अभ्यवदच्छनैः
पश्य कौरव्य राजानम् अपयातांश्च पाण्डवान्
saṃjaya uvāca
tvaramāṇaḥ punaḥ kṛṣṇaḥ pārtham abhyavadacchanaiḥ
paśya kauravya rājānam apayātāṃśca pāṇḍavān
- 2
कर्णं पश्य महारङ्गे ज्वलन्तम् इव पावकम्
असौ भीमो महेष्वासः संनिवृत्तो रणं प्रति
karṇaṃ paśya mahāraṅge jvalantam iva pāvakam
asau bhīmo maheṣvāsaḥ saṃnivṛtto raṇaṃ prati
- 3
तम् एते ऽनु निवर्तन्ते धृष्टद्युम्नपुरोगमाः
पाञ्चालानां सृञ्जयानां पाण्डवानां च यन्मुखम्
निवृत्तैश्च तथा पार्थैर्भग्नं शत्रुबलं महत्
tam ete 'nu nivartante dhṛṣṭadyumnapurogamāḥ
pāñcālānāṃ sṛñjayānāṃ pāṇḍavānāṃ ca yanmukham
nivṛttaiśca tathā pārthairbhagnaṃ śatrubalaṃ mahat
- 4
कौरवान्द्रवतो ह्य् एष कर्णो धारयते ऽर्जुन
अन्तकप्रतिमो वेगे शक्रतुल्यपराक्रमः
kauravāndravato hy eṣa karṇo dhārayate 'rjuna
antakapratimo vege śakratulyaparākramaḥ
- 5
असौ गच्छति कौरव्य द्रौणिर् अस्त्रभृतां वरः
तम् एष प्रद्रुतः संख्ये धृष्टद्युम्नो महारथः
asau gacchati kauravya drauṇir astrabhṛtāṃ varaḥ
tam eṣa pradrutaḥ saṃkhye dhṛṣṭadyumno mahārathaḥ
- 6
सर्वं व्याचष्ट दुर्धर्षो वासुदेवः किरीटिने
ततो राजन्प्रादुरासीन्महाघोरो महारणः
sarvaṃ vyācaṣṭa durdharṣo vāsudevaḥ kirīṭine
tato rājanprādurāsīnmahāghoro mahāraṇaḥ
- 7
सिंहनादरवाश्चात्र प्रादुरासन्समागमे
उभयोः सेनयो राजन्मृत्युं कृत्वा निवर्तनम्
siṃhanādaravāścātra prādurāsansamāgame
ubhayoḥ senayo rājanmṛtyuṃ kṛtvā nivartanam

