11 shlokas
- 1
अथातः शकुनीप्रतीषेधं व्याख्यास्यामः
athātaḥ śakunīpratīṣedhaṃ vyākhyāsyāmaḥ
- 2
यथोवाच भगवान्धन्वन्तरिः
yathovāca bhagavāndhanvantariḥ
- 3
शकुन्यभिपरीतस्य कार्यो वैद्येन जानता
वेतसाम्रकपित्थानां निष्क्वाथः परिषेचने
śakunyabhiparītasya kāryo vaidyena jānatā
vetasāmrakapitthānāṃ niṣkvāthaḥ pariṣecane
- 4
कषायमधुरैस्तैलं कार्यमभ्यञ्जने शिशोः
मधुकोशीरह्रीबेरसारिवोत्पलपद्मकैः
kaṣāyamadhuraistailaṃ kāryamabhyañjane śiśoḥ
madhukośīrahrīberasārivotpalapadmakaiḥ
- 5
रोध्रप्रियङ्गुमञ्जिष्ठागैरिकैः प्रदिहेच्छिशुम्
व्रणेषूक्तानि चूर्णानि पथ्यानि विविधानि च
rodhrapriyaṅgumañjiṣṭhāgairikaiḥ pradihecchiśum
vraṇeṣūktāni cūrṇāni pathyāni vividhāni ca
- 6
स्कन्दग्रहे धूपनानि तानीहापि प्रयोजयेत्
शतावरीमृगैर्वारुनागदन्तीनिदिग्धिकाः
skandagrahe dhūpanāni tānīhāpi prayojayet
śatāvarīmṛgairvārunāgadantīnidigdhikāḥ
- 7
लक्ष्मणां सहदेवां च बृहतीं चापि धारयेत्
तिलतण्डुलकं माल्यं हरितालं मनःशिला
lakṣmaṇāṃ sahadevāṃ ca bṛhatīṃ cāpi dhārayet
tilataṇḍulakaṃ mālyaṃ haritālaṃ manaḥśilā
- 8
बलिरेष करञ्जेषु निवेद्यो नियतात्मना
निष्कुटे च प्रयोक्तव्यं स्नानमस्य यथाविधि
balireṣa karañjeṣu nivedyo niyatātmanā
niṣkuṭe ca prayoktavyaṃ snānamasya yathāvidhi
- 9
स्कन्दापस्मारशमनं घृतं चापीह पूजितम्
कुर्याच्च विविधां पूजां शकुन्याः कुसुमैः शुभैः
skandāpasmāraśamanaṃ ghṛtaṃ cāpīha pūjitam
kuryācca vividhāṃ pūjāṃ śakunyāḥ kusumaiḥ śubhaiḥ
- 10
अन्तरीक्षचरा देवी सर्वालंकारभूषिता
अयोमुखी तीक्ष्णतुण्डा शकुनी ते प्रसीदतु
antarīkṣacarā devī sarvālaṃkārabhūṣitā
ayomukhī tīkṣṇatuṇḍā śakunī te prasīdatu
- 11
दुर्दर्शना महाकाया पिङ्गाक्षी भैरवस्वरा
लम्बोदरी शङ्कुकर्णी शकुनी ते प्रसीदतु
durdarśanā mahākāyā piṅgākṣī bhairavasvarā
lambodarī śaṅkukarṇī śakunī te prasīdatu

