5 shlokas
- 1
ऋषय ऊचुः
मृत्युञ्जयविधिं सूत ब्रह्मक्षत्रविशामपि
वक्तुमर्हसि चास्माकं सर्वज्ञो ऽसि महामते
ṛṣaya ūcuḥ
mṛtyuñjayavidhiṃ sūta brahmakṣatraviśāmapi
vaktumarhasi cāsmākaṃ sarvajño 'si mahāmate
- 2
सूत उवाच
मृत्युञ्जयविधिं वक्ष्ये बहुना किं द्विजोत्तमाः
रुद्राध्यायेन विधिना घृतेन नियुतं क्रमात्
sūta uvāca
mṛtyuñjayavidhiṃ vakṣye bahunā kiṃ dvijottamāḥ
rudrādhyāyena vidhinā ghṛtena niyutaṃ kramāt
- 3
सघृतेन तिलेनैव कमलेन प्रयत्नतः
दूर्वया घृतगोक्षीरमिश्रया मधुना तथा
saghṛtena tilenaiva kamalena prayatnataḥ
dūrvayā ghṛtagokṣīramiśrayā madhunā tathā
- 4
चरुणा सघृतेनैव केवलं पयसापि वा
जुहुयात्कालमृत्योर्वा प्रतीकारः प्रकीर्तितः
caruṇā saghṛtenaiva kevalaṃ payasāpi vā
juhuyātkālamṛtyorvā pratīkāraḥ prakīrtitaḥ
- 5
इति श्रीलिङ्गमहापुराणे उत्तरभागे त्रिपञ्चाशत्तमो ऽध्यायः
iti śrīliṅgamahāpurāṇe uttarabhāge tripañcāśattamo 'dhyāyaḥ

