95 shlokas
- 1
ऋषय ऊचुः
एवं षोडश दानानि कथितानि शुभानि च
जीवच्छ्राद्धक्रमो ऽस्माकं वक्तुमर्हसि सांप्रतम्
ṛṣaya ūcuḥ
evaṃ ṣoḍaśa dānāni kathitāni śubhāni ca
jīvacchrāddhakramo 'smākaṃ vaktumarhasi sāṃpratam
- 2
सूत उवाच
जीवच्छ्राद्धविधिं वक्ष्ये समासात्सर्वसंमतम्
मनवे देवदेवेन कथितं ब्रह्मणा पुरा
sūta uvāca
jīvacchrāddhavidhiṃ vakṣye samāsātsarvasaṃmatam
manave devadevena kathitaṃ brahmaṇā purā
- 3
वसिष्ठाय च शिष्टाय भृगवे भार्गवाय च
शृण्वन्तु सर्वभावेन सर्वसिद्धिकरं परम्
vasiṣṭhāya ca śiṣṭāya bhṛgave bhārgavāya ca
śṛṇvantu sarvabhāvena sarvasiddhikaraṃ param
- 4
श्राद्धमार्गक्रमं साक्षाच्छ्राद्धार्हाणामपि क्रमम्
विशेषमपि वक्ष्यामि जीवच्छ्राद्धस्य सुव्रताः
śrāddhamārgakramaṃ sākṣācchrāddhārhāṇāmapi kramam
viśeṣamapi vakṣyāmi jīvacchrāddhasya suvratāḥ
- 5
पर्वते वा नदीतीरे वने वायतने ऽपि वा
जीवच्छ्राद्धं प्रकर्तव्यं मृतकाले प्रयत्नतः
parvate vā nadītīre vane vāyatane 'pi vā
jīvacchrāddhaṃ prakartavyaṃ mṛtakāle prayatnataḥ
- 6
जीवच्छ्राद्धे कृते जीवो जीवन्नेव विमुच्यते
कर्म कुर्वन्नकुर्वन्वा ज्ञानी वाज्ञानवानपि
jīvacchrāddhe kṛte jīvo jīvanneva vimucyate
karma kurvannakurvanvā jñānī vājñānavānapi
- 7
श्रोत्रियो ऽश्रोत्रियो वापि ब्राह्मणः क्षत्रियो ऽपि वा
वैश्यो वा नात्र संदेहो योगमार्गगतो यथा
śrotriyo 'śrotriyo vāpi brāhmaṇaḥ kṣatriyo 'pi vā
vaiśyo vā nātra saṃdeho yogamārgagato yathā
- 8
परीक्ष्य भूमिं विधिवद्गन्धवर्णरसादिभिः
शल्यमुद्धृत्य यत्नेन स्थण्डिलं सैकतं भुवि
parīkṣya bhūmiṃ vidhivadgandhavarṇarasādibhiḥ
śalyamuddhṛtya yatnena sthaṇḍilaṃ saikataṃ bhuvi
- 9
मध्यतो हस्तमात्रेण कुण्डं चैवायतं शुभम्
स्थण्डिलं वा प्रकर्तव्यमिषुमात्रं पुनः पुनः
madhyato hastamātreṇa kuṇḍaṃ caivāyataṃ śubham
sthaṇḍilaṃ vā prakartavyamiṣumātraṃ punaḥ punaḥ
- 10
उपलिप्य विधानेन चालिप्याग्निं विधाय च
अन्वाधाय यथाशास्त्रं परिगृह्य च सर्वतः
upalipya vidhānena cālipyāgniṃ vidhāya ca
anvādhāya yathāśāstraṃ parigṛhya ca sarvataḥ
- 11
परिस्तीर्य स्वशाखोक्तं पारंपर्यक्रमागतम्
समाप्याग्निमुखं सर्वं मन्त्रैरेतैर्यथाक्रमम्
paristīrya svaśākhoktaṃ pāraṃparyakramāgatam
samāpyāgnimukhaṃ sarvaṃ mantrairetairyathākramam
- 12
सम्पूज्य स्थण्डिले वह्नौ होमयेत्समिदादिभिः
आदौ कृत्वा समिद्धोमं चरुणा च पृथक्पृथक्
sampūjya sthaṇḍile vahnau homayetsamidādibhiḥ
ādau kṛtvā samiddhomaṃ caruṇā ca pṛthakpṛthak
- 13
घृतेन च पृथक्पात्रे शोधितेन पृथक्पृथक्
जुहुयादात्मनोद्धृत्य तत्त्वभूतानि सर्वतः
ghṛtena ca pṛthakpātre śodhitena pṛthakpṛthak
juhuyādātmanoddhṛtya tattvabhūtāni sarvataḥ
- 14
ॐ भूः ब्रह्मणे नमः
oṃ bhūḥ brahmaṇe namaḥ
- 15
ॐ भूः ब्रह्मणे स्वाहा
oṃ bhūḥ brahmaṇe svāhā
- 16
ॐ भुवः विष्णवे नमः
oṃ bhuvaḥ viṣṇave namaḥ
- 17
ॐ भुवः विष्णवे स्वाहा
oṃ bhuvaḥ viṣṇave svāhā
- 18
ॐ स्वः रुद्राय नमः
oṃ svaḥ rudrāya namaḥ
- 19
ॐ स्वः रुद्राय स्वाहा
oṃ svaḥ rudrāya svāhā
- 20
ॐ महः ईश्वराय नमः
oṃ mahaḥ īśvarāya namaḥ
- 21
ॐ महः ईश्वराय स्वाहा
oṃ mahaḥ īśvarāya svāhā
- 22
ॐ जनः प्रकृतये नमः
oṃ janaḥ prakṛtaye namaḥ
- 23
ॐ जनः प्रकृतये स्वाहा
oṃ janaḥ prakṛtaye svāhā
- 24
ॐ तपः मुद्गलाय नमः
oṃ tapaḥ mudgalāya namaḥ
- 25
ॐ तपः मुद्गलाय स्वाहा
oṃ tapaḥ mudgalāya svāhā
- 26
ॐ ऋतं पुरुषाय नमः
oṃ ṛtaṃ puruṣāya namaḥ
- 27
ॐ ऋतं पुरुषाय स्वाहा
oṃ ṛtaṃ puruṣāya svāhā
- 28
ॐ सत्यं शिवाय नमः
oṃ satyaṃ śivāya namaḥ
- 29
ॐ सत्यं शिवाय स्वाहा
oṃ satyaṃ śivāya svāhā
- 30
ॐ शर्व धरां मे गोपाय घ्राणे गन्धं शर्वाय देवाय भूर्नमः
oṃ śarva dharāṃ me gopāya ghrāṇe gandhaṃ śarvāya devāya bhūrnamaḥ

