7 shlokas
- 1
सनत्कुमार उवाच
गजदानं प्रवक्ष्यामि यथावदनुपूर्वशः
द्विजाय वा शिवायाथ दातव्यः पूज्य पूर्ववत्
sanatkumāra uvāca
gajadānaṃ pravakṣyāmi yathāvadanupūrvaśaḥ
dvijāya vā śivāyātha dātavyaḥ pūjya pūrvavat
- 2
गजं सुलक्षणोपेतं हैमं वा राजतं तु वा
सहस्रनिष्कमात्रेण तदर्धेनापि कारयेत्
gajaṃ sulakṣaṇopetaṃ haimaṃ vā rājataṃ tu vā
sahasraniṣkamātreṇa tadardhenāpi kārayet
- 3
तदर्धार्धेन वा कुर्यात्सर्वलक्षणभूषितम्
पूर्वोक्तदेशकाले च देवाय विनिवेदयेत्
tadardhārdhena vā kuryātsarvalakṣaṇabhūṣitam
pūrvoktadeśakāle ca devāya vinivedayet
- 4
अष्टम्यां वा प्रदातव्यं शिवाय परमेष्ठिने
ब्राह्मणाय दरिद्राय श्रोत्रियायाहिताग्नये
aṣṭamyāṃ vā pradātavyaṃ śivāya parameṣṭhine
brāhmaṇāya daridrāya śrotriyāyāhitāgnaye
- 5
शिवमुद्दिश्य दातव्यं शिवं सम्पूज्य पूर्ववत्
एतद्यः कुरुते दानं शिवभक्तिसमाहितम्
śivamuddiśya dātavyaṃ śivaṃ sampūjya pūrvavat
etadyaḥ kurute dānaṃ śivabhaktisamāhitam
- 6
स्थित्वा स्वर्गे चिरं कालं राजा गजपतिर्भवेत्
sthitvā svarge ciraṃ kālaṃ rājā gajapatirbhavet
- 7
इति श्रीलिङ्गमहापुराणे उत्तरभागे द्विचत्वारिंशो ऽध्यायः
iti śrīliṅgamahāpurāṇe uttarabhāge dvicatvāriṃśo 'dhyāyaḥ

