7 shlokas
- 1
सनत्कुमार उवाच
अथान्यं पर्वतं सूक्ष्ममल्पद्रव्यं महाफलम्
द्रव्यमात्रोपसंयुक्ते काले मध्यं विधीयते
sanatkumāra uvāca
athānyaṃ parvataṃ sūkṣmamalpadravyaṃ mahāphalam
dravyamātropasaṃyukte kāle madhyaṃ vidhīyate
- 2
गोमयालिप्तभूमौ तु ह्यंबराणि प्रकीर्य च
तन्मध्ये निक्षिपेद्धीमांस्तिलभारत्रयं शुभम्
gomayāliptabhūmau tu hyaṃbarāṇi prakīrya ca
tanmadhye nikṣipeddhīmāṃstilabhāratrayaṃ śubham
- 3
पद्ममष्टदलं कुर्यात्कर्णिकाकेसरान्वितम्
दशनिष्केण तत्कार्यं तदर्धार्धेन वा पुनः
padmamaṣṭadalaṃ kuryātkarṇikākesarānvitam
daśaniṣkeṇa tatkāryaṃ tadardhārdhena vā punaḥ
- 4
तिलमध्ये न्यसेत्पद्मं पद्ममध्ये महेश्वरम्
आराध्य विधिवद्देवं वामादीनि प्रपूजयेत्
tilamadhye nyasetpadmaṃ padmamadhye maheśvaram
ārādhya vidhivaddevaṃ vāmādīni prapūjayet
- 5
शक्तिरूपं सुवर्णेन त्रिनिष्केण तु कारयेत्
न्यासं तु परितः कुर्याद्विघ्नेशान्परिभागतः
śaktirūpaṃ suvarṇena triniṣkeṇa tu kārayet
nyāsaṃ tu paritaḥ kuryādvighneśānparibhāgataḥ
- 6
पूर्वोक्तहेममानेन विघ्नेशानपि कारयेत्
तान् अभ्यर्च्य विधानेन गन्धपुष्पादिभिः क्रमात्
pūrvoktahemamānena vighneśānapi kārayet
tān abhyarcya vidhānena gandhapuṣpādibhiḥ kramāt
- 7
इति श्रीलिङ्गमहापुराणे उत्तरभागे एकत्रिंशो ऽध्यायः
iti śrīliṅgamahāpurāṇe uttarabhāge ekatriṃśo 'dhyāyaḥ

