8 shlokas
- 1
सनत्कुमार उवाच
जपहोमार्चनादानाभिषेकाद्यं च पूर्ववत्
सुवर्णमेदिनीदानं प्रवक्ष्यामि समासतः
sanatkumāra uvāca
japahomārcanādānābhiṣekādyaṃ ca pūrvavat
suvarṇamedinīdānaṃ pravakṣyāmi samāsataḥ
- 2
पूर्वोक्तदेशकाले तु कारयेन्मुनिभिः सह
लक्षणेन यथापूर्वं कुण्डे वा मण्डले ऽथवा
pūrvoktadeśakāle tu kārayenmunibhiḥ saha
lakṣaṇena yathāpūrvaṃ kuṇḍe vā maṇḍale 'thavā
- 3
मेदिनीं कारयेद्दिव्यां सहस्रेणापि वा पुनः
एकहस्ता प्रकर्तव्या चतुरस्रा सुशोभना
medinīṃ kārayeddivyāṃ sahasreṇāpi vā punaḥ
ekahastā prakartavyā caturasrā suśobhanā
- 4
सप्तद्वीपसमुद्राद्यैः पर्वतैरभिसंवृता
सर्वतीर्थसमोपेता मध्ये मेरुसमन्विता
saptadvīpasamudrādyaiḥ parvatairabhisaṃvṛtā
sarvatīrthasamopetā madhye merusamanvitā
- 5
अथवा मध्यतो द्वीपं नवखण्डं प्रकल्पयेत्
पूर्ववन्निखिलं कृत्वा मण्डले वेदिमध्यतः
athavā madhyato dvīpaṃ navakhaṇḍaṃ prakalpayet
pūrvavannikhilaṃ kṛtvā maṇḍale vedimadhyataḥ
- 6
सप्तभागैकभागेन सहस्राद्विधिपूर्वकम्
शिवभक्ते प्रदातव्या दक्षिणा पूर्वचोदिता
saptabhāgaikabhāgena sahasrādvidhipūrvakam
śivabhakte pradātavyā dakṣiṇā pūrvacoditā
- 7
सहस्रकलशाद्यैश्च शङ्करं पूजयेच्छिवम्
सुवर्णमेदिनीप्रोक्तं लिङ्गे ऽस्मिन्दानम् उत्तमम्
sahasrakalaśādyaiśca śaṅkaraṃ pūjayecchivam
suvarṇamedinīproktaṃ liṅge 'smindānam uttamam
- 8
इति श्रीलिङ्गमहापुराणे उत्तरभागे सुवर्णमेदिनीदानं नाम द्वात्रिंशो ऽध्यायः
iti śrīliṅgamahāpurāṇe uttarabhāge suvarṇamedinīdānaṃ nāma dvātriṃśo 'dhyāyaḥ

