7 shlokas
- 1
पितरि जीवति यः श्राद्धं कुर्यात्स येषां पिता कुर्यात्तेषां कुर्यात्
pitari jīvati yaḥ śrāddhaṃ kuryātsa yeṣāṃ pitā kuryātteṣāṃ kuryāt
- 2
पितरि पितामहे च जीवति येषां पितामहः
pitari pitāmahe ca jīvati yeṣāṃ pitāmahaḥ
- 3
पितरि पितामहे प्रपितामहे च जीवति नैव कुर्यात्
pitari pitāmahe prapitāmahe ca jīvati naiva kuryāt
- 4
यस्य पिता प्रेतः स्यात्स पित्रे पिण्डं निधाय पितामहात्परं द्वाभ्यां दद्यात्
yasya pitā pretaḥ syātsa pitre piṇḍaṃ nidhāya pitāmahātparaṃ dvābhyāṃ dadyāt
- 5
यस्य पिता पितामहश्च प्रेतौ स्यातां स ताभ्यां पिण्डौ दत्त्वा पितामहपितामहाय दद्यात्
yasya pitā pitāmahaśca pretau syātāṃ sa tābhyāṃ piṇḍau dattvā pitāmahapitāmahāya dadyāt
- 6
यस्य पितामहः प्रेतः स्यात्स तस्मै पिण्डं निधाय प्रपितामहात्परं द्वाभ्यां दद्यात्
yasya pitāmahaḥ pretaḥ syātsa tasmai piṇḍaṃ nidhāya prapitāmahātparaṃ dvābhyāṃ dadyāt
- 7
मातामहानाम् अप्येवं श्राद्धं कुर्याद्विचक्षणः
मन्त्रोहेण यथान्यायं शेषाणां मन्त्रवर्जितम्
mātāmahānām apyevaṃ śrāddhaṃ kuryādvicakṣaṇaḥ
mantroheṇa yathānyāyaṃ śeṣāṇāṃ mantravarjitam

