93 shlokas
- 1
ब्राह्मणस्य सपिण्डानां जननमरणयोर्दशाहम् आशौचम्
brāhmaṇasya sapiṇḍānāṃ jananamaraṇayordaśāham āśaucam
- 2
द्वादशाहं राजन्यस्य
dvādaśāhaṃ rājanyasya
- 3
पञ्चदशाहं वैश्यस्य
pañcadaśāhaṃ vaiśyasya
- 4
मासं शूद्रस्य
māsaṃ śūdrasya
- 5
सपिण्डता च पुरुषे सप्तमे विनिवर्तते
sapiṇḍatā ca puruṣe saptame vinivartate
- 6
आशौचे होमदानप्रतिग्रहस्वाध्याया निवर्तन्ते
āśauce homadānapratigrahasvādhyāyā nivartante
- 7
नाशौचे कस्यचिद् अन्नम् अश्नीयात्
nāśauce kasyacid annam aśnīyāt
- 8
ब्राह्मणादीनाम् अशौचे यः सकृद् एवान्नम् अत्ति तस्य तावद् आशौचं यावत्तेषाम्
brāhmaṇādīnām aśauce yaḥ sakṛd evānnam atti tasya tāvad āśaucaṃ yāvatteṣām
- 9
आशौचापगमे प्रायश्चित्तं कुर्यात्
āśaucāpagame prāyaścittaṃ kuryāt
- 10
सवर्णस्याशौचे द्विजो भुक्त्वा स्रवन्तीम् आसाद्य तन्निमग्नस्त्रिरघमर्षणं जप्त्वोत्तीर्य गायत्र्यष्टसहस्रं जपेत्
savarṇasyāśauce dvijo bhuktvā sravantīm āsādya tannimagnastriraghamarṣaṇaṃ japtvottīrya gāyatryaṣṭasahasraṃ japet
- 11
क्षत्रियाशौचे ब्राह्मणस्त्वेतद् एवोपोषितः कृत्वा शुध्यति
kṣatriyāśauce brāhmaṇastvetad evopoṣitaḥ kṛtvā śudhyati
- 12
वैश्याशौचे राजन्यश्च
vaiśyāśauce rājanyaśca
- 13
वैश्याशौचे ब्राह्मणस्त्रिरात्रोपोषितश्च
vaiśyāśauce brāhmaṇastrirātropoṣitaśca
- 14
ब्राह्मणाशौचे राजन्यः क्षत्रियाशौचे वैश्यश्च स्रवन्तीम् आसाद्य गायत्रीशतपञ्चकं जपेत्
brāhmaṇāśauce rājanyaḥ kṣatriyāśauce vaiśyaśca sravantīm āsādya gāyatrīśatapañcakaṃ japet
- 15
वैश्यश्च ब्राह्मणाशौचे गायत्र्यष्टशतं जपेत्
vaiśyaśca brāhmaṇāśauce gāyatryaṣṭaśataṃ japet
- 16
शूद्राशौचे द्विजो भुक्त्वा प्राजापत्यं चरेत्
śūdrāśauce dvijo bhuktvā prājāpatyaṃ caret
- 17
शूद्रश्च द्विजाशौचे स्नानम् आचरेत्
śūdraśca dvijāśauce snānam ācaret
- 18
शूद्रः शूद्राशौचे स्नातः पञ्चगव्यं पिबेत्
śūdraḥ śūdrāśauce snātaḥ pañcagavyaṃ pibet
- 19
पत्नीनां दासानाम् आनुलोम्येन स्वामिनस्तुल्यम् आशौचम्
patnīnāṃ dāsānām ānulomyena svāminastulyam āśaucam
- 20
मृते स्वामिन्यात्मीयम्
mṛte svāminyātmīyam
- 21
हीनवर्णानाम् अधिकवर्णेषु सपिण्डेषु तदशौचव्यपगमे शुद्धिः
hīnavarṇānām adhikavarṇeṣu sapiṇḍeṣu tadaśaucavyapagame śuddhiḥ
- 22
ब्राह्मणस्य क्षत्रिविट्शूद्रेषु सपिण्डेषु षड्रात्रत्रिरात्रैकरात्रैः
brāhmaṇasya kṣatriviṭśūdreṣu sapiṇḍeṣu ṣaḍrātratrirātraikarātraiḥ
- 23
क्षत्रियस्य विट्शूद्रयोः षड्रात्रत्रिरात्राभ्याम्
kṣatriyasya viṭśūdrayoḥ ṣaḍrātratrirātrābhyām
- 24
वैश्यस्य शूद्रेषु षड्रात्रेण
vaiśyasya śūdreṣu ṣaḍrātreṇa
- 25
मासतुल्यैर् अहोरात्रैर्गर्भस्रावे
māsatulyair ahorātrairgarbhasrāve
- 26
जातमृते मृतजाते वा कुलस्य सद्यः शौचम्
jātamṛte mṛtajāte vā kulasya sadyaḥ śaucam
- 27
अदन्तजाते बाले प्रेते सद्य एव
adantajāte bāle prete sadya eva
- 28
नास्याग्निसंस्कारो नोदकक्रिया
nāsyāgnisaṃskāro nodakakriyā
- 29
दन्तजाते त्वकृतचूडे त्वहोरात्रेण
dantajāte tvakṛtacūḍe tvahorātreṇa
- 30
कृतचूडे त्व् असंस्कृते त्रिरात्रेण
kṛtacūḍe tv asaṃskṛte trirātreṇa

