13 shlokas
- 1
अथ धटः
atha dhaṭaḥ
- 2
चतुर्हस्तोच्छ्रितो द्विहस्तायतः
caturhastocchrito dvihastāyataḥ
- 3
तत्र सारवृक्षोद्भवा पञ्चहस्तायतोभयतःशिक्या तुला
tatra sāravṛkṣodbhavā pañcahastāyatobhayataḥśikyā tulā
- 4
तां च सुवर्णकारकांस्यकाराणाम् अन्यतमो बिभृयात्
tāṃ ca suvarṇakārakāṃsyakārāṇām anyatamo bibhṛyāt
- 5
तत्र चैकस्मिन्शिक्ये पुरुषं दिव्यकारिणम् आरोपयेत्द्वितीये प्रतिमानं शिलादि
tatra caikasminśikye puruṣaṃ divyakāriṇam āropayetdvitīye pratimānaṃ śilādi
- 6
प्रतिमानपुरुषौ समधृतौ सुचिह्नितौ कृत्वा पुरुषम् अवतारयेत्
pratimānapuruṣau samadhṛtau sucihnitau kṛtvā puruṣam avatārayet
- 7
धटं च समयेन गृह्णीयात्
dhaṭaṃ ca samayena gṛhṇīyāt
- 8
तुलाधारं च
tulādhāraṃ ca
- 9
ब्रह्मघ्नां ये स्मृता लोका ये लोकाः कूटसाक्षिणाम्
तुलाधारस्य ते लोकास्तुलां धारयतो मृषा
brahmaghnāṃ ye smṛtā lokā ye lokāḥ kūṭasākṣiṇām
tulādhārasya te lokāstulāṃ dhārayato mṛṣā
- 10
धर्मपर्यायवचनैर्धट इत्यभिधीयसे
त्वम् एव धट जानीषे न विदुर्यानि मानुषाः
dharmaparyāyavacanairdhaṭa ityabhidhīyase
tvam eva dhaṭa jānīṣe na viduryāni mānuṣāḥ
- 11
व्यवहाराभिशस्तो ऽयं मानुषस्तोल्यते त्वयि
तद् एनं संशयाद् अस्माद्धर्मतस्त्रातुम् अर्हसि
vyavahārābhiśasto 'yaṃ mānuṣastolyate tvayi
tad enaṃ saṃśayād asmāddharmatastrātum arhasi
- 12
ततस्त्वारोपयेच्छिक्ये भूय एवाथ तं नरम्
तुलितो यदि वर्धेत ततः शुद्धः स धर्मतः
tatastvāropayecchikye bhūya evātha taṃ naram
tulito yadi vardheta tataḥ śuddhaḥ sa dharmataḥ
- 13
शिक्यच्छेदाक्षभङ्गेषु भूयस्त्वारोपयेन्नरम्
एवं निःसंशयं ज्ञानं यतो भवति निर्णयः
śikyacchedākṣabhaṅgeṣu bhūyastvāropayennaram
evaṃ niḥsaṃśayaṃ jñānaṃ yato bhavati nirṇayaḥ

