5 shlokas
- 1
धर्मशास्त्रम् इदं श्रेष्ठं स्वयं देवेन भाषितम्
ये द्विजा धारयिष्यन्ति तेषां स्वर्गे गतिः परा
dharmaśāstram idaṃ śreṣṭhaṃ svayaṃ devena bhāṣitam
ye dvijā dhārayiṣyanti teṣāṃ svarge gatiḥ parā
- 2
इदं पवित्रं मङ्गल्यं स्वर्ग्यम् आयुष्यम् एव च
ज्ञानं चैव यशस्यं च धनसौभाग्यवर्धनम्
idaṃ pavitraṃ maṅgalyaṃ svargyam āyuṣyam eva ca
jñānaṃ caiva yaśasyaṃ ca dhanasaubhāgyavardhanam
- 3
अध्येतव्यं धारणीयं श्राव्यं श्रोतव्यम् एव च
श्राद्धेषु श्रावणीयं च भूतिकामैर्नरैः सदा
adhyetavyaṃ dhāraṇīyaṃ śrāvyaṃ śrotavyam eva ca
śrāddheṣu śrāvaṇīyaṃ ca bhūtikāmairnaraiḥ sadā
- 4
य इदं पठते नित्यं भूतिकामो नरः सदा
इदं रहस्यं परमं कथितं च धरे तव
ya idaṃ paṭhate nityaṃ bhūtikāmo naraḥ sadā
idaṃ rahasyaṃ paramaṃ kathitaṃ ca dhare tava
- 5
मया प्रसन्नेन जगद्धितार्थं सौभाग्यम् एतत्परमं यशस्यम्
दुःस्वप्ननाशं बहुपुण्ययुक्तं शिवालयं शाश्वतधर्मशास्त्रम्
mayā prasannena jagaddhitārthaṃ saubhāgyam etatparamaṃ yaśasyam
duḥsvapnanāśaṃ bahupuṇyayuktaṃ śivālayaṃ śāśvatadharmaśāstram

