46 shlokas
- 1
अथाग्निं परिसमुह्य पर्युक्ष्य परिस्तीर्य परिषिच्य सर्वतः पाकाद् अग्रम् उद्धृत्य जुहुयात्
athāgniṃ parisamuhya paryukṣya paristīrya pariṣicya sarvataḥ pākād agram uddhṛtya juhuyāt
- 2
वासुदेवाय संकर्षणाय प्रद्युम्नायानिरुद्धाय पुरुषाय सत्यायाच्युताय वासुदेवाय
vāsudevāya saṃkarṣaṇāya pradyumnāyāniruddhāya puruṣāya satyāyācyutāya vāsudevāya
- 3
अथाग्नये सोमाय मित्राय वरुणाय इन्द्राय इन्द्राग्निभ्यां विश्वेभ्यो देवेभ्यः प्रजापतये अनुमत्यै धन्वन्तरये वास्तोष्पतये अग्नये स्विष्टकृते च
athāgnaye somāya mitrāya varuṇāya indrāya indrāgnibhyāṃ viśvebhyo devebhyaḥ prajāpataye anumatyai dhanvantaraye vāstoṣpataye agnaye sviṣṭakṛte ca
- 4
ततो ऽन्नशेषेण बलिम् उपहरेत्
tato 'nnaśeṣeṇa balim upaharet
- 5
भक्षोपभक्षाभ्याम्
bhakṣopabhakṣābhyām
- 6
अभितः पूर्वेणाग्निम्
abhitaḥ pūrveṇāgnim
- 7
अम्बा नामासीति दुला नामासीति नितत्नी नामासीति चुपुणीका नामासीति सर्वासाम्
ambā nāmāsīti dulā nāmāsīti nitatnī nāmāsīti cupuṇīkā nāmāsīti sarvāsām
- 8
नन्दिनि सुभगे सुमङ्गलि भद्रंकरीति स्वश्रिष्व् अभिप्रदक्षिणम्
nandini subhage sumaṅgali bhadraṃkarīti svaśriṣv abhipradakṣiṇam
- 9
स्थूणायां ध्रुवायां श्रियै हिरण्यकेश्यै वनस्पतिभ्यश्च
sthūṇāyāṃ dhruvāyāṃ śriyai hiraṇyakeśyai vanaspatibhyaśca
- 10
धर्माधर्मयोर्द्वारे मृत्यवे च
dharmādharmayordvāre mṛtyave ca
- 11
उदधाने वरुणाय
udadhāne varuṇāya
- 12
विष्णव इत्युलूखले
viṣṇava ityulūkhale
- 13
मरुद्भ्य इति दृषदि
marudbhya iti dṛṣadi
- 14
उपरि शरणे वैश्रवणाय राज्ञे भूतेभ्यश्च
upari śaraṇe vaiśravaṇāya rājñe bhūtebhyaśca
- 15
इन्द्रायेन्द्रपुरुषेभ्यश्चेति पूर्वार्धे
indrāyendrapuruṣebhyaśceti pūrvārdhe
- 16
यमाय यमपुरुषेभ्य इति दक्षिणार्धे
yamāya yamapuruṣebhya iti dakṣiṇārdhe
- 17
वरुणाय वरुणपुरुषेभ्य इति पश्चार्धे
varuṇāya varuṇapuruṣebhya iti paścārdhe
- 18
सोमाय सोमपुरुषेभ्य इत्युत्तरार्धे
somāya somapuruṣebhya ityuttarārdhe
- 19
ब्रह्मणे ब्रह्मपुरुषेभ्य इति मध्ये
brahmaṇe brahmapuruṣebhya iti madhye
- 20
ऊर्ध्वम् आकाशाय
ūrdhvam ākāśāya
- 21
स्थण्डिले दिवाचरेभ्यो भूतेभ्य इति दिवा
sthaṇḍile divācarebhyo bhūtebhya iti divā
- 22
नक्तंचरेभ्य इति नक्तम्
naktaṃcarebhya iti naktam
- 23
ततो दक्षिणाग्रेषु दर्भेषु पित्रे पितामहाय प्रपितामहाय मात्रे पितामह्यै प्रपितामह्यै नामगोत्राभ्यां च पिण्डनिर्वापणं कुर्यात्
tato dakṣiṇāgreṣu darbheṣu pitre pitāmahāya prapitāmahāya mātre pitāmahyai prapitāmahyai nāmagotrābhyāṃ ca piṇḍanirvāpaṇaṃ kuryāt
- 24
पिण्डानां चानुलेपनपुष्पधूपनैवेद्यादि दद्यात्
piṇḍānāṃ cānulepanapuṣpadhūpanaivedyādi dadyāt
- 25
उदककलशम् उपनिधाय स्वस्त्ययनं वाचयेत्
udakakalaśam upanidhāya svastyayanaṃ vācayet
- 26
श्वकाकश्वपचानां भुवि निर्वपेत्
śvakākaśvapacānāṃ bhuvi nirvapet
- 27
भिक्षां च दद्यात्
bhikṣāṃ ca dadyāt
- 28
अतिथिपूजने च परं यत्नम् आतिष्ठेत
atithipūjane ca paraṃ yatnam ātiṣṭheta
- 29
सायम् अतिथिं प्राप्तं प्रयत्नेनार्चयेत्
sāyam atithiṃ prāptaṃ prayatnenārcayet
- 30
अनाशितम् अतिथिं गृहे न वासयेत्
anāśitam atithiṃ gṛhe na vāsayet

