10 shlokas
- 1
त्रयः पुरुषस्यातिगुरवो भवन्ति
trayaḥ puruṣasyātiguravo bhavanti
- 2
माता पिता आचार्यश्च
mātā pitā ācāryaśca
- 3
तेषां नित्यम् एव शुश्रूषुणा भवितव्यम्
teṣāṃ nityam eva śuśrūṣuṇā bhavitavyam
- 4
यत्ते ब्रूयुस्तत्कुर्यात्
yatte brūyustatkuryāt
- 5
तेषां प्रियहितम् आचरेत्
teṣāṃ priyahitam ācaret
- 6
न तैर् अननुज्ञातः किंचिद् अपि कुर्यात्
na tair ananujñātaḥ kiṃcid api kuryāt
- 7
एत एव त्रयो वेदा एत एव त्रयः सुराः
एत एव त्रयो लोका एत एव त्रयो ऽग्नयः
eta eva trayo vedā eta eva trayaḥ surāḥ
eta eva trayo lokā eta eva trayo 'gnayaḥ
- 8
पिता गार्हपत्यो ऽग्निः दक्षिणाग्निर्माता गुरुर् आहवनीयः
pitā gārhapatyo 'gniḥ dakṣiṇāgnirmātā gurur āhavanīyaḥ
- 9
सर्वे तस्यादृता धर्मा यस्यैते त्रय आदृताः
अनादृतास्तु यस्यैते सर्वास्तस्याफलाः क्रियाः
sarve tasyādṛtā dharmā yasyaite traya ādṛtāḥ
anādṛtāstu yasyaite sarvāstasyāphalāḥ kriyāḥ
- 10
इमं लोकं मातृभक्त्या पितृभक्त्या तु मध्यमम्
गुरुशुश्रूषया त्वेव ब्रह्मलोकं समश्नुते
imaṃ lokaṃ mātṛbhaktyā pitṛbhaktyā tu madhyamam
guruśuśrūṣayā tveva brahmalokaṃ samaśnute

