10 shlokas
- 1
मार्गशीर्षशुक्लैकादश्याम् उपोषितो द्वादश्यां भगवन्तं श्रीवासुदेवम् अर्चयेत्
mārgaśīrṣaśuklaikādaśyām upoṣito dvādaśyāṃ bhagavantaṃ śrīvāsudevam arcayet
- 2
पुष्पधूपानुलेपनदीपनैवेद्यैः वह्निब्राह्मणतर्पणैश्च
puṣpadhūpānulepanadīpanaivedyaiḥ vahnibrāhmaṇatarpaṇaiśca
- 3
व्रतम् एतत्संवत्सरं कृत्वा पापेभ्यः पूतो भवति
vratam etatsaṃvatsaraṃ kṛtvā pāpebhyaḥ pūto bhavati
- 4
यावज्जीवं कृत्वा श्वेतद्वीपम् आप्नोति
yāvajjīvaṃ kṛtvā śvetadvīpam āpnoti
- 5
उभयपक्षद्वादशीष्व् एवं संवत्सरेण स्वर्गलोकम् आप्नोति
ubhayapakṣadvādaśīṣv evaṃ saṃvatsareṇa svargalokam āpnoti
- 6
यावज्जीवं कृत्वा विष्णुलोकम्
yāvajjīvaṃ kṛtvā viṣṇulokam
- 7
एवम् एव पञ्चदशीष्व् अपि
evam eva pañcadaśīṣv api
- 8
ब्रह्मभूतम् अमावास्यां पौर्णमास्यां तथैव च
योगभूतं परिचरन्केशवं महद् आप्नुयात्
brahmabhūtam amāvāsyāṃ paurṇamāsyāṃ tathaiva ca
yogabhūtaṃ paricarankeśavaṃ mahad āpnuyāt
- 9
दृश्येते सहितौ यस्यां दिवि चन्द्रबृहस्पती
पौर्णमासी तु महती प्रोक्ता संवत्सरे तु सा
dṛśyete sahitau yasyāṃ divi candrabṛhaspatī
paurṇamāsī tu mahatī proktā saṃvatsare tu sā
- 10
तस्यां दानोपवासाद्यम् अक्षयं परिकीर्तितम्
तथैव द्वादशी शुक्ला या स्याच्छ्रवणसंयुता
tasyāṃ dānopavāsādyam akṣayaṃ parikīrtitam
tathaiva dvādaśī śuklā yā syācchravaṇasaṃyutā

