8 shlokas
- 1
अथोदकम्
athodakam
- 2
पङ्कशैवालदुष्टग्राहमत्स्यजलौकादिवर्जिते ऽम्भसि
paṅkaśaivāladuṣṭagrāhamatsyajalaukādivarjite 'mbhasi
- 3
तत्रानाभिमग्नस्यारोगद्वेषिणः पुरुषस्यान्यस्य जानुनी गृहीत्वाभिमन्त्रितम् अम्भः प्रविशेत्
tatrānābhimagnasyārogadveṣiṇaḥ puruṣasyānyasya jānunī gṛhītvābhimantritam ambhaḥ praviśet
- 4
तत्समकालं च नातिक्रूरमृदुना धनुषा पुरुषो ऽपरः शरक्षेपं कुर्यात्
tatsamakālaṃ ca nātikrūramṛdunā dhanuṣā puruṣo 'paraḥ śarakṣepaṃ kuryāt
- 5
तं चापरः पुरुषो जवेन शरम् आनयेत्
taṃ cāparaḥ puruṣo javena śaram ānayet
- 6
तन्मध्ये यो न दृश्येत स शुद्धः परिकीर्तितः
अन्यथा ह्यविशुद्धः स्याद् एकाङ्गस्यापि दर्शने
tanmadhye yo na dṛśyeta sa śuddhaḥ parikīrtitaḥ
anyathā hyaviśuddhaḥ syād ekāṅgasyāpi darśane
- 7
त्वम् अम्भः सर्वभूतानाम् अन्तश्चरसि साक्षिवत्
त्वम् एवाम्भो विजानीषे न विदुर्यानि मानुषाः
tvam ambhaḥ sarvabhūtānām antaścarasi sākṣivat
tvam evāmbho vijānīṣe na viduryāni mānuṣāḥ
- 8
व्यवहाराभिशस्तो ऽयं मानुषस्त्वयि मज्जति
तद् एनं संशयाद् अस्माद्धर्मतस्त्रातुम् अर्हसि
vyavahārābhiśasto 'yaṃ mānuṣastvayi majjati
tad enaṃ saṃśayād asmāddharmatastrātum arhasi

