7 shlokas
- 1
सवर्णासु बहुभार्यासु विद्यमानासु ज्येष्ठया सह धर्मकार्यं कुर्यात्
savarṇāsu bahubhāryāsu vidyamānāsu jyeṣṭhayā saha dharmakāryaṃ kuryāt
- 2
मिश्रासु च कनिष्ठयापि समानवर्णया
miśrāsu ca kaniṣṭhayāpi samānavarṇayā
- 3
समानवर्णाया अभावे त्वनन्तरयैवापदि च
samānavarṇāyā abhāve tvanantarayaivāpadi ca
- 4
न त्वेव द्विजः शूद्रया
na tveva dvijaḥ śūdrayā
- 5
द्विजस्य भार्या शूद्रा तु धर्मार्थं न क्वचिद्भवेत्
रत्यर्थम् एव सा तस्य रागान्धस्य प्रकीर्तिता
dvijasya bhāryā śūdrā tu dharmārthaṃ na kvacidbhavet
ratyartham eva sā tasya rāgāndhasya prakīrtitā
- 6
हीनजातिं स्त्रियं मोहाद् उद्वहन्तो द्विजातयः
कुलान्येव नयन्त्याशु ससंतानानि शूद्रतां
hīnajātiṃ striyaṃ mohād udvahanto dvijātayaḥ
kulānyeva nayantyāśu sasaṃtānāni śūdratāṃ
- 7
दैवपित्र्यातिथेयानि तत्प्रधानानि यस्य तु
नाश्नन्ति पितृदेवास्तु न च स्वर्गं स गच्छति
daivapitryātitheyāni tatpradhānāni yasya tu
nāśnanti pitṛdevāstu na ca svargaṃ sa gacchati

