17 shlokas
- 1
अथ स्त्रीणां धर्माः
atha strīṇāṃ dharmāḥ
- 2
भर्तुः समानव्रतचारित्वम्
bhartuḥ samānavratacāritvam
- 3
श्वश्रूश्वशुरगुरुदेवतातिथिपूजनम्
śvaśrūśvaśuragurudevatātithipūjanam
- 4
सुसंस्कृतोपस्करता
susaṃskṛtopaskaratā
- 5
अमुक्तहस्तता
amuktahastatā
- 6
सुगुप्तभाण्डता
suguptabhāṇḍatā
- 7
मूलक्रियास्वनभिरतिः
mūlakriyāsvanabhiratiḥ
- 8
मङ्गलाचारतत्परता
maṅgalācāratatparatā
- 9
भर्तरि प्रवसिते ऽप्रतिकर्मक्रिया
bhartari pravasite 'pratikarmakriyā
- 10
परगृहेष्वनभिगमनम्
paragṛheṣvanabhigamanam
- 11
द्वारदेशगवाक्षेष्वनवस्थानम्
dvāradeśagavākṣeṣvanavasthānam
- 12
सर्वकर्मस्वस्वतन्त्रता
sarvakarmasvasvatantratā
- 13
बाल्ययौवनवार्द्धकेष्वपि पितृभर्तृपुत्राधीनता
bālyayauvanavārddhakeṣvapi pitṛbhartṛputrādhīnatā
- 14
मृते भर्तरि ब्रह्मचर्यं तदन्वारोहणं वा
mṛte bhartari brahmacaryaṃ tadanvārohaṇaṃ vā
- 15
नास्ति स्त्रीणां पृथग्यज्ञो न व्रतं नाप्युपोषितम्
पतिं शुश्रूषते यत्तु तेन स्वर्गे महीयते
nāsti strīṇāṃ pṛthagyajño na vrataṃ nāpyupoṣitam
patiṃ śuśrūṣate yattu tena svarge mahīyate
- 16
पत्यौ जीवति या योषिद् उपवासव्रतं चरेत्
आयुः सा हरते भर्तुर्नरकं चैव गच्छति
patyau jīvati yā yoṣid upavāsavrataṃ caret
āyuḥ sā harate bharturnarakaṃ caiva gacchati
- 17
मृते भर्तरि साध्वी स्त्री ब्रह्मचर्ये व्यवस्थिता
स्वर्गं गच्छत्यपुत्रापि यथा ते ब्रह्मचारिणः
mṛte bhartari sādhvī strī brahmacarye vyavasthitā
svargaṃ gacchatyaputrāpi yathā te brahmacāriṇaḥ

