10 shlokas
- 1
यस्तूपनीय व्रतादेशं कृत्वा वेदम् अध्यापयेत्तम् आचार्यं विद्यात्
yastūpanīya vratādeśaṃ kṛtvā vedam adhyāpayettam ācāryaṃ vidyāt
- 2
यस्त्वेनं मूल्येनाध्यापयेत्तम् उपाध्यायम् एकदेशं वा
yastvenaṃ mūlyenādhyāpayettam upādhyāyam ekadeśaṃ vā
- 3
यो यस्य यज्ञकर्माणि कुर्यात्तम् ऋत्विजं विद्यात्
yo yasya yajñakarmāṇi kuryāttam ṛtvijaṃ vidyāt
- 4
नापरीक्षितं योजयेत्
nāparīkṣitaṃ yojayet
- 5
नाध्यापयेत्
nādhyāpayet
- 6
नोपनयेत्
nopanayet
- 7
अधर्मेण च यः प्राह यश्चाधर्मेण पृच्छति
तयोर् अन्यतरः प्रैति विद्वेषं वाधिगच्छति
adharmeṇa ca yaḥ prāha yaścādharmeṇa pṛcchati
tayor anyataraḥ praiti vidveṣaṃ vādhigacchati
- 8
धर्मार्थौ यत्र न स्यातां शुश्रूषा वापि तद्विधा
तत्र विद्या न वक्तव्या शुभं बीजम् इवोषरे
dharmārthau yatra na syātāṃ śuśrūṣā vāpi tadvidhā
tatra vidyā na vaktavyā śubhaṃ bījam ivoṣare
- 9
विद्या ह वै ब्रह्माणम् आजगाम गोपाय मा शेवधिष्टे ऽहम् अस्ति
असूयकायानृजवे ऽयताय न मां ब्रूया अवीर्यवती तथा स्याम्
vidyā ha vai brahmāṇam ājagāma gopāya mā śevadhiṣṭe 'ham asti
asūyakāyānṛjave 'yatāya na māṃ brūyā avīryavatī tathā syām
- 10
यम् एव विद्याः शुचिम् अप्रमत्तं मेधाविनं ब्रह्मचर्योपपन्नम्
यस्ते न द्रुह्येत्कतमच्च नाह तस्मै मां ब्रूया निधिपाय ब्रह्मन्
yam eva vidyāḥ śucim apramattaṃ medhāvinaṃ brahmacaryopapannam
yaste na druhyetkatamacca nāha tasmai māṃ brūyā nidhipāya brahman

