78 shlokas
- 1
सुरापः सर्वकर्मवर्जितः कणान्वर्षम् अश्नीयात्
surāpaḥ sarvakarmavarjitaḥ kaṇānvarṣam aśnīyāt
- 2
मलानां मद्यानां चान्यतमस्य प्राशने चान्द्रायणं कुर्यात्
malānāṃ madyānāṃ cānyatamasya prāśane cāndrāyaṇaṃ kuryāt
- 3
लशुनपलाण्डुगृञ्जनैतद्गन्धिविड्वराहग्रामकुक्कुटवानरगोमांसभक्षणे च
laśunapalāṇḍugṛñjanaitadgandhiviḍvarāhagrāmakukkuṭavānaragomāṃsabhakṣaṇe ca
- 4
सर्वेष्व् एतेषु द्विजानां प्रायश्चित्तान्ते भूयः संस्कारं कुर्यात्
sarveṣv eteṣu dvijānāṃ prāyaścittānte bhūyaḥ saṃskāraṃ kuryāt
- 5
वपनमेखलादण्डभैक्ष्यचर्याव्रतानि पुनःसंस्कारकर्मणि वर्जनीयानि
vapanamekhalādaṇḍabhaikṣyacaryāvratāni punaḥsaṃskārakarmaṇi varjanīyāni
- 6
शशकशल्यकगोधाखड्गकूर्मवर्जं पञ्चनखमांसाशने सप्तरात्रम् उपवसेत्
śaśakaśalyakagodhākhaḍgakūrmavarjaṃ pañcanakhamāṃsāśane saptarātram upavaset
- 7
गणगणिकास्तेनगायनान्नानि भुक्त्वा सप्तरात्रं पयसा वर्तेत
gaṇagaṇikāstenagāyanānnāni bhuktvā saptarātraṃ payasā varteta
- 8
तक्षकान्नं चर्मकर्तुश्च
takṣakānnaṃ carmakartuśca
- 9
वार्द्धुषिककदर्यदीक्षितबद्धनिगडाभिशस्तषण्ढानां च
vārddhuṣikakadaryadīkṣitabaddhanigaḍābhiśastaṣaṇḍhānāṃ ca
- 10
पुंश्चलीदाम्भिकचिकित्सकलुब्धकक्रूरोग्रोच्छिष्टभोजिनां च
puṃścalīdāmbhikacikitsakalubdhakakrūrogrocchiṣṭabhojināṃ ca
- 11
अवीरस्त्री सुवर्णकारसपत्नपतितानां च
avīrastrī suvarṇakārasapatnapatitānāṃ ca
- 12
पिशुनानृतवादिक्षतधर्मात्मरसविक्रयिणां च
piśunānṛtavādikṣatadharmātmarasavikrayiṇāṃ ca
- 13
शैलूषतन्तुवायकृतघ्नरजकानां च
śailūṣatantuvāyakṛtaghnarajakānāṃ ca
- 14
कर्मकारनिषादरङ्गावतारिवैणशस्त्रविक्रयिणां च
karmakāraniṣādaraṅgāvatārivaiṇaśastravikrayiṇāṃ ca
- 15
श्वजीविशौण्डिकतैलिकचैलनिर्णेजकानां च
śvajīviśauṇḍikatailikacailanirṇejakānāṃ ca
- 16
रजस्वलासहोपपतिवेश्मनां च
rajasvalāsahopapativeśmanāṃ ca
- 17
भ्रूणघ्नावेक्षितम् उदक्यासंस्पृष्टं पतत्रिणावलीढं शुना संस्पृष्टं गवाघ्रातं च
bhrūṇaghnāvekṣitam udakyāsaṃspṛṣṭaṃ patatriṇāvalīḍhaṃ śunā saṃspṛṣṭaṃ gavāghrātaṃ ca
- 18
कामतः पदा स्पृष्टम् अवक्षुतम्
kāmataḥ padā spṛṣṭam avakṣutam
- 19
मत्तक्रुद्धातुराणां च
mattakruddhāturāṇāṃ ca
- 20
अनर्चितं वृथामांसं च
anarcitaṃ vṛthāmāṃsaṃ ca
- 21
पाठीनरोहितराजीवसिंहतुण्डशकुलवर्जं सर्वमत्स्यमांसाशने त्रिरात्रम् उपवसेत्
pāṭhīnarohitarājīvasiṃhatuṇḍaśakulavarjaṃ sarvamatsyamāṃsāśane trirātram upavaset
- 22
सर्वजलजमांसाशने च
sarvajalajamāṃsāśane ca
- 23
आपः सुराभाण्डस्थाः पीत्वा सप्तरात्रं शङ्खपुष्पीशृतं पयः पिबेत्
āpaḥ surābhāṇḍasthāḥ pītvā saptarātraṃ śaṅkhapuṣpīśṛtaṃ payaḥ pibet
- 24
मद्यभाण्डस्थाश्च पञ्चरात्रम्
madyabhāṇḍasthāśca pañcarātram
- 25
सोमपः सुरापस्याघ्राय गन्धम् उदकमग्नस्त्रिर् अघमर्षणं जप्त्वा घृतप्राशनम् आचरेत्
somapaḥ surāpasyāghrāya gandham udakamagnastrir aghamarṣaṇaṃ japtvā ghṛtaprāśanam ācaret
- 26
खरोष्ट्रकाकमांसाशने चान्द्रायणं कुर्यात्
kharoṣṭrakākamāṃsāśane cāndrāyaṇaṃ kuryāt
- 27
प्राश्याज्ञातं सूनास्थं शुष्कमांसं च
prāśyājñātaṃ sūnāsthaṃ śuṣkamāṃsaṃ ca
- 28
क्रव्यादमृगपक्षिमांसाशने तप्तकृच्छ्रम्
kravyādamṛgapakṣimāṃsāśane taptakṛcchram
- 29
कलविङ्कप्लवचक्रवाकहंसरज्जुदालसारसदात्यूहशुकसारिकाबकबलाकाकोकिलखञ्जरीटाशने त्रिरात्रम् उपवसेत्
kalaviṅkaplavacakravākahaṃsarajjudālasārasadātyūhaśukasārikābakabalākākokilakhañjarīṭāśane trirātram upavaset
- 30
एकशफोभयदन्ताशने च
ekaśaphobhayadantāśane ca

