13 shlokas
- 1
अथातः प्रयाणस्यैव मीमांसा
athātaḥ prayāṇasyaiva mīmāṃsā
- 2
दीक्षितं वायोगक्षेमो विन्दत्य् अन्यत्र वा देवयजनाद्दीक्षते संसृजन्ति व्रते
dīkṣitaṃ vāyogakṣemo vindaty anyatra vā devayajanāddīkṣate saṃsṛjanti vrate
- 3
सम्बध्नन्ति व्रतदुघयोर्वत्सौ
sambadhnanti vratadughayorvatsau
- 4
आदधति यद् आधेयं भवति नीडे गार्हपत्यं प्रौग आहवनीयम्
ādadhati yad ādheyaṃ bhavati nīḍe gārhapatyaṃ prauga āhavanīyam
- 5
अपि वारण्योर् अग्नीन्समारोह्य बृहस्पतिवत्यर्चा प्रयाति भद्राद् अभि श्रेयः प्रेहि बृहस्पतिः पुरएता ते अस्त्विति
api vāraṇyor agnīnsamārohya bṛhaspativatyarcā prayāti bhadrād abhi śreyaḥ prehi bṛhaspatiḥ puraetā te astviti
- 6
अथ यद्य् एनं यान्तं व्रतनवेलोपाधिगच्छत्य् उत्तरतो ऽरणी निधाय दक्षिणतः परिश्रित्य व्रतयति
atha yady enaṃ yāntaṃ vratanavelopādhigacchaty uttarato 'raṇī nidhāya dakṣiṇataḥ pariśritya vratayati
- 7
तूष्णीं तृणोदकायावस्यति
tūṣṇīṃ tṛṇodakāyāvasyati
- 8
अथ यद्य् अपर्याणा अप उपाधिगच्छति तज्जपति देवीर् आपो अपां नपाद्य ऊर्मिर्हविष्य इन्द्रियावान्मदिन्तमस्तं वो मावक्रमिषम् अच्छिन्नं तन्तुं पृथिव्या अनु गेषम् इति
atha yady aparyāṇā apa upādhigacchati tajjapati devīr āpo apāṃ napādya ūrmirhaviṣya indriyāvānmadintamastaṃ vo māvakramiṣam acchinnaṃ tantuṃ pṛthivyā anu geṣam iti
- 9
सं वा गाहते सं वा तरति
saṃ vā gāhate saṃ vā tarati
- 10
सेतुम् एव कृत्वात्येतीति ब्राह्मणम्
setum eva kṛtvātyetīti brāhmaṇam
- 11
अथ यत्र वत्स्यन्भवति तद् अवस्यति अथेम् अवस्य वर आ पृथिव्या इति
atha yatra vatsyanbhavati tad avasyati athem avasya vara ā pṛthivyā iti
- 12
अथादित्यम् उद्यन्तम् उपतिष्ठते आरे शत्रून्कृणुहि सर्ववीर इति
athādityam udyantam upatiṣṭhate āre śatrūnkṛṇuhi sarvavīra iti
- 13
अथ यत्र यक्ष्यमाणो भवति तद् अवस्यत्य् एदम् अगन्म देवयजनं पृथिव्या इत्य् आन्ताद् अनुवाकस्य
atha yatra yakṣyamāṇo bhavati tad avasyaty edam aganma devayajanaṃ pṛthivyā ity āntād anuvākasya

