21 shlokas
- 1
यावद् एवात्राध्वर्युश्चेष्टति तावद् एष प्रतिप्रस्थाता पत्न्यै दक्षिणम् उपपक्षम् अद्भिर् उनत्ति तूष्णीम्
yāvad evātrādhvaryuśceṣṭati tāvad eṣa pratiprasthātā patnyai dakṣiṇam upapakṣam adbhir unatti tūṣṇīm
- 2
तूष्णीम् ऊर्ध्वाग्रं बर्हिर् अनूच्छ्रयति
tūṣṇīm ūrdhvāgraṃ barhir anūcchrayati
- 3
तूष्णीं स्वधितिं तिर्यञ्चं निदधाति
tūṣṇīṃ svadhitiṃ tiryañcaṃ nidadhāti
- 4
तूष्णीं प्रवपति
tūṣṇīṃ pravapati
- 5
तूष्णीम् उप्तान्तं प्रत्यभिमृशते
tūṣṇīm uptāntaṃ pratyabhimṛśate
- 6
एतयैवावृतोत्तरम् उपपक्षम् अद्भिर् उनत्ति तूष्णीम् एव
etayaivāvṛtottaram upapakṣam adbhir unatti tūṣṇīm eva
- 7
नापिताय क्षुरं प्रयच्छन्न् आह नापितोप्तोपपक्षां मे निकृत्तनखां प्रब्रूताद् इति
nāpitāya kṣuraṃ prayacchann āha nāpitoptopapakṣāṃ me nikṛttanakhāṃ prabrūtād iti
- 8
तां तथा प्राह
tāṃ tathā prāha
- 9
अथैनाम् अद्भिर् अभिषिञ्चति तूष्णीम्
athainām adbhir abhiṣiñcati tūṣṇīm
- 10
तूष्णीं संप्रधाव्य रजः प्रप्लावयति तूष्णीम्
tūṣṇīṃ saṃpradhāvya rajaḥ praplāvayati tūṣṇīm
- 11
अद्भिर् उदेति तूष्णीम्
adbhir udeti tūṣṇīm
- 12
वसनस्यान्तेन प्रतिच्छाद्याप आचामति
vasanasyāntena praticchādyāpa ācāmati
- 13
तूष्णीं प्रदक्षिणम् अहतं वासः परिधत्ते
tūṣṇīṃ pradakṣiṇam ahataṃ vāsaḥ paridhatte
- 14
तूष्णीम् अभ्यङ्क्ते
tūṣṇīm abhyaṅkte
- 15
तूष्णीम् आङ्क्ते
tūṣṇīm āṅkte
- 16
अथैनाम् अपरिमितैर्दर्भपुञ्जीलैः पवयति तूष्णीं तूष्णीम् एव
athainām aparimitairdarbhapuñjīlaiḥ pavayati tūṣṇīṃ tūṣṇīm eva
- 17
अथैनाम् आनीयापरया द्वारा शालां प्रपाद्य प्राचीम् उदानयन्वाचयति प्रैतु ब्रह्मणस्पत्नी वेदिं वर्णेन सीदतु
अथाहम् अनुकामिनी स्वे लोके विशा इहेति
athainām ānīyāparayā dvārā śālāṃ prapādya prācīm udānayanvācayati praitu brahmaṇaspatnī vediṃ varṇena sīdatu
athāham anukāminī sve loke viśā iheti
- 18
अथ जघनेन गार्हपत्यम् उपसीदति सुप्रजसस्त्वा वयम्सुपत्नीर् उपसेदिम
अग्ने सपत्नदम्भनम् अदब्धासो अदाभ्यम् इति
atha jaghanena gārhapatyam upasīdati suprajasastvā vayamsupatnīr upasedima
agne sapatnadambhanam adabdhāso adābhyam iti
- 19
अथ पृष्ठ्यां स्तीर्त्वापः प्रणीयाग्नावैष्णवम् एकादशकपालं दीक्षणीयाम् इष्टिं निर्वपति
atha pṛṣṭhyāṃ stīrtvāpaḥ praṇīyāgnāvaiṣṇavam ekādaśakapālaṃ dīkṣaṇīyām iṣṭiṃ nirvapati
- 20
तस्यै दशतयम् उत्सीदति न यजमानं व्रतम् उपनयति न पत्नीं संनह्यति न यजमानभागं करोति न ब्रह्मभागं न बर्हिषदं पुरोडाशं करोति नान्वाहार्यं याचति न फलीकरणहोमेन चरति न समिष्टयजुर्जुहोति न पूर्णपात्रे यजमानं वाचयति न विष्णुक्रमान्क्रमते
tasyai daśatayam utsīdati na yajamānaṃ vratam upanayati na patnīṃ saṃnahyati na yajamānabhāgaṃ karoti na brahmabhāgaṃ na barhiṣadaṃ puroḍāśaṃ karoti nānvāhāryaṃ yācati na phalīkaraṇahomena carati na samiṣṭayajurjuhoti na pūrṇapātre yajamānaṃ vācayati na viṣṇukramānkramate
- 21
अथाध्वर्युः प्रदक्षिणम् आवृत्य प्रत्यङ्ङ् आद्रुत्य पत्नीः संयाज्य प्राङ् एत्य ध्रुवाम् आप्याय्याज्यस्थाल्यां प्रत्यवनीयाज्यस्थाल्याः स्रुवेणोपघातं दीक्षाहुतीर्जुहोति
athādhvaryuḥ pradakṣiṇam āvṛtya pratyaṅṅ ādrutya patnīḥ saṃyājya prāṅ etya dhruvām āpyāyyājyasthālyāṃ pratyavanīyājyasthālyāḥ sruveṇopaghātaṃ dīkṣāhutīrjuhoti

