15 shlokas
- 1
वस्व्य् असि रुद्रासि अदितिर् अस्य् आदित्यासि शुक्रासि चन्द्रासीति
vasvy asi rudrāsi aditir asy ādityāsi śukrāsi candrāsīti
- 2
सप्तमं पदम् अभिगृह्णाति बृहस्पतिस्त्वा सुम्ने रण्वतु रुद्रो वसुभिर् आचिकेत्व् इति
saptamaṃ padam abhigṛhṇāti bṛhaspatistvā sumne raṇvatu rudro vasubhir āciketv iti
- 3
अथैतस्मिन्पदे हिरण्यं निधाय संपरिस्तीर्याभिजुहोति पृथिव्यास्त्वा मूर्धन्न् आजिघर्मि देवयजन इडायाः पदे घृतवति स्वाहेति
athaitasminpade hiraṇyaṃ nidhāya saṃparistīryābhijuhoti pṛthivyāstvā mūrdhann ājigharmi devayajana iḍāyāḥ pade ghṛtavati svāheti
- 4
अपोद्धृत्य हिरण्यं स्फ्येन वा कृष्णविषाणया वा पदं परिलिखति परिलिखितं रक्षः परिलिखिता अरातय इदम् अहं रक्षसो ग्रीवा अपिकृन्तामि यो ऽस्मान्द्वेष्टि यं च वयं द्विष्म इदम् अस्य ग्रीवा अपिकृन्तामीति
apoddhṛtya hiraṇyaṃ sphyena vā kṛṣṇaviṣāṇayā vā padaṃ parilikhati parilikhitaṃ rakṣaḥ parilikhitā arātaya idam ahaṃ rakṣaso grīvā apikṛntāmi yo 'smāndveṣṭi yaṃ ca vayaṃ dviṣma idam asya grīvā apikṛntāmīti
- 5
अथैनत्स्फ्येनोपसंग्राहं यावत्त्मूतं पद्धरण्यां संवपत्य् अस्मे रायो ऽस्मे राय इति त्रिः
athainatsphyenopasaṃgrāhaṃ yāvattmūtaṃ paddharaṇyāṃ saṃvapaty asme rāyo 'sme rāya iti triḥ
- 6
त्वे राय इति यजमानाय प्रयच्छति
tve rāya iti yajamānāya prayacchati
- 7
तोते राय इति यजमानः पत्न्याः
tote rāya iti yajamānaḥ patnyāḥ
- 8
अथ पत्नीं सोमक्रयण्या समीक्षयति सं देवि देव्योर्वश्या पश्यस्वेति
atha patnīṃ somakrayaṇyā samīkṣayati saṃ devi devyorvaśyā paśyasveti
- 9
अथ पत्नी यजमानम् ईक्षते त्वष्टीमती ते सपेय सुरेता रेतो दधाना वीरं विदेय तव संदृशीति
atha patnī yajamānam īkṣate tvaṣṭīmatī te sapeya suretā reto dadhānā vīraṃ videya tava saṃdṛśīti
- 10
अथ यजमानः सोमक्रयणीम् ईक्षते माहं रायस्पोषेण वियोषम् इति
atha yajamānaḥ somakrayaṇīm īkṣate māhaṃ rāyaspoṣeṇa viyoṣam iti
- 11
अथैनद्धिरण्यम् अद्भिः प्रक्षाल्य मध्यमायाम् अङ्गुलौ बध्नीते
athainaddhiraṇyam adbhiḥ prakṣālya madhyamāyām aṅgulau badhnīte
- 12
अथैनं पदाशयम् अद्भिर् उपसृजति
athainaṃ padāśayam adbhir upasṛjati
- 13
उत्सृजन्ति सोमक्रयणीम्
utsṛjanti somakrayaṇīm
- 14
नयन्ति पत्नीम्
nayanti patnīm
- 15
नि पदं दधति
ni padaṃ dadhati

