22 shlokas
- 1
अग्नेर् आतिथ्यम् असि विष्णवे त्वा जुष्टं निर्वपामीति
agner ātithyam asi viṣṇave tvā juṣṭaṃ nirvapāmīti
- 2
एताम् एव प्रतिपदं कृत्वा सोमस्यातिथ्यम् असि विष्णवे त्वा जुष्टं निर्वपामीति
etām eva pratipadaṃ kṛtvā somasyātithyam asi viṣṇave tvā juṣṭaṃ nirvapāmīti
- 3
एताम् एव प्रतिपदं कृत्वा अतिथेर् आतिथ्यम् असि विष्णवे त्वा जुष्टं निर्वपामीति
etām eva pratipadaṃ kṛtvā atither ātithyam asi viṣṇave tvā juṣṭaṃ nirvapāmīti
- 4
एताम् एव प्रतिपदं कृत्वा अग्नये त्वा रायस्पोषदाव्ने विष्णवे त्वा जुष्टं निर्वपामीति
etām eva pratipadaṃ kṛtvā agnaye tvā rāyaspoṣadāvne viṣṇave tvā juṣṭaṃ nirvapāmīti
- 5
एताम् एव प्रतिपदं कृत्वा श्येनाय त्वा सोमभृते विष्णवे त्वा जुष्टं निर्वपामीति
etām eva pratipadaṃ kṛtvā śyenāya tvā somabhṛte viṣṇave tvā juṣṭaṃ nirvapāmīti
- 6
पञ्चकृत्वो यजुषा
pañcakṛtvo yajuṣā
- 7
हविष्कृता वाचं विसृज्यैतयैवावृतोत्तरम् अनड्वाहं विमुञ्चति
haviṣkṛtā vācaṃ visṛjyaitayaivāvṛtottaram anaḍvāhaṃ vimuñcati
- 8
अथैते ब्राह्मणाश्चत्वार आसन्दीम् आददते
athaite brāhmaṇāścatvāra āsandīm ādadate
- 9
अथ यजमानो नीडाद्राजानम् आदत्ते या ते धामानि हविषा यजन्ति ता ते विश्वा परिभूर् अस्तु यज्ञम् इति
atha yajamāno nīḍādrājānam ādatte yā te dhāmāni haviṣā yajanti tā te viśvā paribhūr astu yajñam iti
- 10
पूर्व एवासन्द्या प्रतिपद्यन्ते
pūrva evāsandyā pratipadyante
- 11
अन्वग्राज्ञा यजमानो ऽन्वक्शूद्र उदपात्रेण
anvagrājñā yajamāno 'nvakśūdra udapātreṇa
- 12
पूर्वया द्वारा शालां प्रपादयति गयस्फानः प्रतरणः सुवीरो ऽवीरहा प्रचरा सोम दुर्यान् इति
pūrvayā dvārā śālāṃ prapādayati gayasphānaḥ prataraṇaḥ suvīro 'vīrahā pracarā soma duryān iti
- 13
अथैताम् आसन्दीम् अग्रेणाहवनीयं पर्याहृत्य दक्षिणतो निदधति
athaitām āsandīm agreṇāhavanīyaṃ paryāhṛtya dakṣiṇato nidadhati
- 14
तस्यां कृष्णाजिनम् आस्तृणात्य् अदित्याः सदो ऽसीति
tasyāṃ kṛṣṇājinam āstṛṇāty adityāḥ sado 'sīti
- 15
अदित्याः सद आसीदेति कृष्णाजिने राजानम्
adityāḥ sada āsīdeti kṛṣṇājine rājānam
- 16
अथैनम् उपतिष्ठते वरुणो ऽसि धृतव्रतो वारुणम् असीति
athainam upatiṣṭhate varuṇo 'si dhṛtavrato vāruṇam asīti
- 17
समुच्चित्य कृष्णाजिनस्यान्तान्स्पन्द्यया विग्रथ्य वंशे प्रग्रथ्नाति शंयोर्देवानां सख्याद् इति
samuccitya kṛṣṇājinasyāntānspandyayā vigrathya vaṃśe pragrathnāti śaṃyordevānāṃ sakhyād iti
- 18
अथापराव् आसन्दीपादाव् अन्तरेण ब्राह्मणो ऽभिषिञ्चति शूद्रः प्रक्षालयति मा देवानाम् अपसश्छित्स्महीति
athāparāv āsandīpādāv antareṇa brāhmaṇo 'bhiṣiñcati śūdraḥ prakṣālayati mā devānām apasaśchitsmahīti
- 19
अथैनं वारुण्यर्चा परिचरति तत्त्वा यामि ब्रह्मणा वन्दमान इति
athainaṃ vāruṇyarcā paricarati tattvā yāmi brahmaṇā vandamāna iti
- 20
अथैनं संशास्ति मा राजानं चाहवनीयं चान्तरेण कश्चन संचारीत्मैनं सायुधो मा सदण्डो मा सच्छत्त्रो मा सोष्णीषो मा साधस्पाद्यो ऽनुप्रपादीद् इति
athainaṃ saṃśāsti mā rājānaṃ cāhavanīyaṃ cāntareṇa kaścana saṃcārītmainaṃ sāyudho mā sadaṇḍo mā sacchattro mā soṣṇīṣo mā sādhaspādyo 'nuprapādīd iti
- 21
अथास्मै मधुपर्कं च गां च प्राहुः
athāsmai madhuparkaṃ ca gāṃ ca prāhuḥ
- 22
ताम् अध्वर्युर्विशास्ति
tām adhvaryurviśāsti

