32 shlokas
- 1
हविर्धानाभ्यां प्रवर्त्यमानाभ्याम् अनुब्रूहीति
havirdhānābhyāṃ pravartyamānābhyām anubrūhīti
- 2
त्रिरुक्तायां प्रवर्तयन्ति प्राची प्रेतम् अध्वरं कल्पयन्ती ऊर्ध्वं यज्ञं नयतं मा जीह्वरतम् इति
triruktāyāṃ pravartayanti prācī pretam adhvaraṃ kalpayantī ūrdhvaṃ yajñaṃ nayataṃ mā jīhvaratam iti
- 3
अथ यद्य् अक्ष उत्सर्जति सुवाग्देव दुर्यां आवदेत्य् एव तत्र जपति
atha yady akṣa utsarjati suvāgdeva duryāṃ āvadety eva tatra japati
- 4
अथैताव् अञ्जसोपसंक्रामतो ऽध्वर्युश्च प्रतिप्रस्थाता च
athaitāv añjasopasaṃkrāmato 'dhvaryuśca pratiprasthātā ca
- 5
उत्तरेण हविर्धाने परीत्य पूर्वाव् उपातीत्य मध्यमाद् औत्तरवेदिकाच्छङ्कोर् अनुस्पन्द्यं त्रीन्प्रतीचः प्रक्रमान्प्रक्रामतः
uttareṇa havirdhāne parītya pūrvāv upātītya madhyamād auttaravedikācchaṅkor anuspandyaṃ trīnpratīcaḥ prakramānprakrāmataḥ
- 6
तद् एनयोर्नभ्यस्थयोश्चुबुके रमयतो ऽत्र रमेथां वर्ष्मन्पृथिव्या इति
tad enayornabhyasthayoścubuke ramayato 'tra ramethāṃ varṣmanpṛthivyā iti
- 7
अथ दिवो वा विष्णव् उत वा पृथिव्या इत्य् आशीर्पदयर्चाध्वर्युर्दक्षिणस्य हविर्धानस्य दक्षिणतो मेथीं निहन्ति
atha divo vā viṣṇav uta vā pṛthivyā ity āśīrpadayarcādhvaryurdakṣiṇasya havirdhānasya dakṣiṇato methīṃ nihanti
- 8
अथैनां स्पन्द्यया सूपनिबद्धाम् उपनिबध्नाति विष्णोर्नु कं वीर्याणि प्रवोचम् इति
athaināṃ spandyayā sūpanibaddhām upanibadhnāti viṣṇornu kaṃ vīryāṇi pravocam iti
- 9
एवम् एव प्रतिप्रस्थातोत्तरस्य हविर्धानस्योत्तरतो मेथीं निहन्ति
evam eva pratiprasthātottarasya havirdhānasyottarato methīṃ nihanti
- 10
अथैनां स्पन्द्यया सूपनिबद्धाम् उपनिबध्नात्य् एतेनैव मन्त्रेण
athaināṃ spandyayā sūpanibaddhām upanibadhnāty etenaiva mantreṇa
- 11
अथाध्वर्युर्दक्षिणस्य हविर्धानस्य चुबुकात्प्राञ्चम् अरत्निं मीत्वा लोके न्यस्य गर्तं खानयति
athādhvaryurdakṣiṇasya havirdhānasya cubukātprāñcam aratniṃ mītvā loke nyasya gartaṃ khānayati
- 12
अथ दक्षिणाद्युगान्तात्प्राञ्चं बाहुं मीत्वा लोके न्यस्य गर्तं खानयति
atha dakṣiṇādyugāntātprāñcaṃ bāhuṃ mītvā loke nyasya gartaṃ khānayati
- 13
ताव् उभाव् उत्तरेणान्यं गर्तं खानयति
tāv ubhāv uttareṇānyaṃ gartaṃ khānayati
- 14
एवम् एव प्रतिप्रस्थातोत्तरतस्त्रीन्गर्तान्खानयति
evam eva pratiprasthātottaratastrīngartānkhānayati
- 15
एवम् अपरतः
evam aparataḥ
- 16
तेषु प्राचीनकर्णा स्थूणा उच्छ्रयन्ति
teṣu prācīnakarṇā sthūṇā ucchrayanti
- 17
तासूदञ्चौ वंशौ प्रोहन्ति
tāsūdañcau vaṃśau prohanti
- 18
अध्यस्यन्ति पुरस्ताद्रराटीं विष्णो रराटम् असीति
adhyasyanti purastādrarāṭīṃ viṣṇo rarāṭam asīti
- 19
विष्णोः पृष्ठम् असीति मध्यमं छदिर् अधिनिदधाति
viṣṇoḥ pṛṣṭham asīti madhyamaṃ chadir adhinidadhāti
- 20
विष्णो श्न्यप्त्रे स्थ इति ये अभितो भवतः
viṣṇo śnyaptre stha iti ye abhito bhavataḥ
- 21
दक्षिणतश्चोत्तरतश्च परिश्रयन्ति
dakṣiṇataścottarataśca pariśrayanti
- 22
प्राचीं च प्रतीचीं च द्वारौ कुर्वन्ति
prācīṃ ca pratīcīṃ ca dvārau kurvanti
- 23
अथ दक्षिणे द्वार्बाहौ कुशहस्तम् उपनिगृह्य दर्भणं प्रवयति दर्भणे स्पन्द्याम्विष्णोः स्यूर् असीति
atha dakṣiṇe dvārbāhau kuśahastam upanigṛhya darbhaṇaṃ pravayati darbhaṇe spandyāmviṣṇoḥ syūr asīti
- 24
विष्णोर्ध्रुवम् असीति ग्रन्थिं करोति
viṣṇordhruvam asīti granthiṃ karoti
- 25
तं तदानीम् एव विस्रस्याहाकुर्वन्तो ग्रन्थीन्हस्तकौशलैर्निस्तिष्ठतेति
taṃ tadānīm eva visrasyāhākurvanto granthīnhastakauśalairnistiṣṭhateti
- 26
एवम् एवोत्तरं द्वार्बाहुम्
evam evottaraṃ dvārbāhum
- 27
एवम् अपरे द्वार्बाहू निस्तिष्ठति
evam apare dvārbāhū nistiṣṭhati
- 28
अथैनद् अभिमृशति वैष्णवम् असि विष्णवे त्वेति
athainad abhimṛśati vaiṣṇavam asi viṣṇave tveti
- 29
अथाध्वर्युः प्रदक्षिणम् आवृत्य प्रत्यङ्ङ् आद्रुत्य शालामुखीयाच्छङ्कोर् अनुस्पन्द्यं षट्प्राचः प्रक्रमान्प्रक्रामति दक्षिणा सप्तमम्
athādhvaryuḥ pradakṣiṇam āvṛtya pratyaṅṅ ādrutya śālāmukhīyācchaṅkor anuspandyaṃ ṣaṭprācaḥ prakramānprakrāmati dakṣiṇā saptamam
- 30
तद् अभ्रिं निदधाति
tad abhriṃ nidadhāti

