36 shlokas
- 1
अथाध्वर्युर् अपररात्र आद्रुत्य संशास्त्य् एकस्तनव्रतं दोहयतेति
athādhvaryur apararātra ādrutya saṃśāsty ekastanavrataṃ dohayateti
- 2
प्रातरुदित आदित्ये विसृष्टायां वाच्य् उत्तमाभ्यां प्रवर्ग्योपसद्भ्यां प्रचरति
prātarudita āditye visṛṣṭāyāṃ vācy uttamābhyāṃ pravargyopasadbhyāṃ pracarati
- 3
हराशयाम् अत्र जुहोति
harāśayām atra juhoti
- 4
अथोपनिष्क्रम्य संप्रैषम् आह सुब्रह्मण्य सुब्रह्मण्याम् आह्वयार्धस्तनव्रतं प्रयच्छतेति
athopaniṣkramya saṃpraiṣam āha subrahmaṇya subrahmaṇyām āhvayārdhastanavrataṃ prayacchateti
- 5
आह्वयति सुब्रह्मण्यः सुब्रह्मण्याम्
āhvayati subrahmaṇyaḥ subrahmaṇyām
- 6
अर्धस्तनव्रतं प्रयच्छति
ardhastanavrataṃ prayacchati
- 7
अथ तदानीम् एवापराह्णिकी प्रवर्ग्योपसदौ समस्योपनिष्क्रम्य संप्रैषम् आह सुब्रह्मण्य सुब्रह्मण्याम् आह्वय प्रतिप्रस्थातः प्रवर्ग्यस्यावृता प्रवर्ग्यं संसादयोद्वासनायेति
atha tadānīm evāparāhṇikī pravargyopasadau samasyopaniṣkramya saṃpraiṣam āha subrahmaṇya subrahmaṇyām āhvaya pratiprasthātaḥ pravargyasyāvṛtā pravargyaṃ saṃsādayodvāsanāyeti
- 8
त्रेधैतत्पदं कुर्वन्ति
tredhaitatpadaṃ kurvanti
- 9
गार्हपत्ये तृतीयम् उपयमनीषु तृतीयं नि तृतीयं दधति
gārhapatye tṛtīyam upayamanīṣu tṛtīyaṃ ni tṛtīyaṃ dadhati
- 10
अथ प्रवर्ग्यस्यावृता प्रवर्ग्यम् उद्वासयति
atha pravargyasyāvṛtā pravargyam udvāsayati
- 11
अग्नेर् आवृताग्निं प्रणयति
agner āvṛtāgniṃ praṇayati
- 12
अग्निवत्य् उत्तरं परिग्राहं परिगृह्य योयुपित्वा तिर्यञ्चं स्फ्यं स्तब्ध्वा संप्रैषम् आह प्रोक्षणीर् आसादयेध्माबर्हिर् उपसादयेत्य् एतावान्संप्रैषः
agnivaty uttaraṃ parigrāhaṃ parigṛhya yoyupitvā tiryañcaṃ sphyaṃ stabdhvā saṃpraiṣam āha prokṣaṇīr āsādayedhmābarhir upasādayety etāvānsaṃpraiṣaḥ
- 13
अत्रैवैतद्बर्हिर् अनुस्पन्द्यं स्तृणाति सकृद् एव
atraivaitadbarhir anuspandyaṃ stṛṇāti sakṛd eva
- 14
एतद् एवेध्माबर्हिर् अग्नीषोमीयाय पशवे परिशयीतेत्य् एक आहुः
etad evedhmābarhir agnīṣomīyāya paśave pariśayītety eka āhuḥ
- 15
अथास्यैते अनसी प्रक्षालिते प्रपन्ने योग्यकृते अभितः शालां तिष्ठतः
athāsyaite anasī prakṣālite prapanne yogyakṛte abhitaḥ śālāṃ tiṣṭhataḥ
- 16
तयोर्दक्षिणं वर्षीय उत्तरं ह्रसीयः
tayordakṣiṇaṃ varṣīya uttaraṃ hrasīyaḥ
- 17
उद्धृतफलकं दक्षिणम् अनुद्धृतफलकम् उत्तरम्
uddhṛtaphalakaṃ dakṣiṇam anuddhṛtaphalakam uttaram
- 18
तयोर्यद् अक्षे बद्धं तद् अवस्यति
tayoryad akṣe baddhaṃ tad avasyati
- 19
अथैने अन्तर्वेद्य् अभ्यावर्तयन्ति
athaine antarvedy abhyāvartayanti
- 20
अथाग्रेण शालाम् अरत्निमात्रम् अभित स्पन्द्यां स्थापयित्वाथैने प्रोक्षति वैष्णवी विष्णवे शुन्धेथाम् इति
athāgreṇa śālām aratnimātram abhita spandyāṃ sthāpayitvāthaine prokṣati vaiṣṇavī viṣṇave śundhethām iti
- 21
अथाहैहि यजमानेति
athāhaihi yajamāneti
- 22
पूर्वया द्वारा शालां प्रपाद्य गार्हपत्य आज्यं विलाप्योत्पूय स्रुचि चतुर्गृहीतं गृहीत्वा शालामुखीये सावित्रं जुहोत्य् अन्वारब्धे यजमाने युञ्जते मन उत युञ्जते धियो विप्रा विप्रस्य बृहतो विपश्चितः
वि होत्रा दधे वयुनाविद् एक इद्मही देवस्य सवितुः परिष्टुतिः स्वाहेति
pūrvayā dvārā śālāṃ prapādya gārhapatya ājyaṃ vilāpyotpūya sruci caturgṛhītaṃ gṛhītvā śālāmukhīye sāvitraṃ juhoty anvārabdhe yajamāne yuñjate mana uta yuñjate dhiyo viprā viprasya bṛhato vipaścitaḥ
vi hotrā dadhe vayunāvid eka idmahī devasya savituḥ pariṣṭutiḥ svāheti
- 23
अपरं चतुर्गृहीतं गृहीत्वाथ याचत्य् आज्यस्थालीं सस्रुवां स्फ्यम् उदपात्रं बर्हिर्हिरण्यम् इति
aparaṃ caturgṛhītaṃ gṛhītvātha yācaty ājyasthālīṃ sasruvāṃ sphyam udapātraṃ barhirhiraṇyam iti
- 24
एतत्समादायाहैहि यजमानेति
etatsamādāyāhaihi yajamāneti
- 25
अन्वग्यजमानो ऽनूची पत्नी पदतृतीयम् आदाय पूर्वया द्वारोपनिष्क्रम्य दक्षिणस्य हविर्धानस्य पश्चाद् अक्षम् उपसृप्य दक्षिणस्यां वर्तन्यां स्फ्येनोद्धत्यावोक्ष्य हिरण्यं निधाय संपरिस्तीर्याभिजुहोतीदं विष्णुर्विचक्रमे त्रेधा निदधे पदम्
समूढम् अस्य पांसुरे स्वाहेति
anvagyajamāno 'nūcī patnī padatṛtīyam ādāya pūrvayā dvāropaniṣkramya dakṣiṇasya havirdhānasya paścād akṣam upasṛpya dakṣiṇasyāṃ vartanyāṃ sphyenoddhatyāvokṣya hiraṇyaṃ nidhāya saṃparistīryābhijuhotīdaṃ viṣṇurvicakrame tredhā nidadhe padam
samūḍham asya pāṃsure svāheti
- 26
अथैतेषां पदपांसूनाम् अर्धान्पत्न्य् अञ्जलाव् आवपति
athaiteṣāṃ padapāṃsūnām ardhānpatny añjalāv āvapati
- 27
अथैनान्संस्रावेणाभिघारयति
athainānsaṃsrāveṇābhighārayati
- 28
सा प्राचोत्तानेन पाणिना दक्षिणम् अक्षधुरम् उपानक्त्य् आ नो वीरो जायतां कर्मण्यो यं सर्वे ऽनुजीवाम यो बहूनाम् असद्वशीति
sā prācottānena pāṇinā dakṣiṇam akṣadhuram upānakty ā no vīro jāyatāṃ karmaṇyo yaṃ sarve 'nujīvāma yo bahūnām asadvaśīti
- 29
अपरं चतुर्गृहीतं गृहीत्वोत्तरस्य हविर्धानस्य पश्चाद् अक्षम् उपसृप्योत्तरस्यां वर्तन्यां स्फ्येनोद्धत्यावोक्ष्य हिरण्यं निधाय संपरिस्तीर्याभिजुहोतीरावती धेनुमती हि भूतम्सूयवसिनी मनवे यशस्ये
व्यस्कभ्नाद्रोदसी विष्णुर् एते दाधार पृथिवीम् अभितो मयूखैः स्वाहेति
aparaṃ caturgṛhītaṃ gṛhītvottarasya havirdhānasya paścād akṣam upasṛpyottarasyāṃ vartanyāṃ sphyenoddhatyāvokṣya hiraṇyaṃ nidhāya saṃparistīryābhijuhotīrāvatī dhenumatī hi bhūtamsūyavasinī manave yaśasye
vyaskabhnādrodasī viṣṇur ete dādhāra pṛthivīm abhito mayūkhaiḥ svāheti
- 30
अत्रैतान्पदपांसून्सर्वश एव पत्न्य् अञ्जलाव् आवपति
atraitānpadapāṃsūnsarvaśa eva patny añjalāv āvapati

