26 shlokas
- 1
अथ प्रोक्षणीभिर् उपोत्तिष्ठति
atha prokṣaṇībhir upottiṣṭhati
- 2
इध्मं प्रोक्षति
idhmaṃ prokṣati
- 3
वेदिं प्रोक्षति
vediṃ prokṣati
- 4
बर्हिः प्रोक्षति
barhiḥ prokṣati
- 5
बर्हिर् आसन्नं प्रोक्ष्योपनिनीय पुरस्ताद् आश्ववालं प्रस्तरं गृह्णाति
barhir āsannaṃ prokṣyopaninīya purastād āśvavālaṃ prastaraṃ gṛhṇāti
- 6
पञ्चविधं बर्हि स्तीर्त्वा प्रस्तरपाणिः प्राङ् अभिसृप्य कार्ष्मर्यमयान्परिधीन्परिदधाति
pañcavidhaṃ barhi stīrtvā prastarapāṇiḥ prāṅ abhisṛpya kārṣmaryamayānparidhīnparidadhāti
- 7
ऊर्ध्वे समिधाव् आदधाति
ūrdhve samidhāv ādadhāti
- 8
ऐक्षवी विधृती तिरश्ची सादयति
aikṣavī vidhṛtī tiraścī sādayati
- 9
विधृत्योर् आश्ववालं प्रस्तरम्
vidhṛtyor āśvavālaṃ prastaram
- 10
प्रस्तरे जुहूम्
prastare juhūm
- 11
बर्हिषीतराः
barhiṣītarāḥ
- 12
एता असदन्न् इति समभिमृश्याथाप उपस्पृश्य ब्रह्मणो राजानम् आदाय पूर्वया द्वारा हविर्धानं प्रपादयति सोमो जिगाति गातुविद्देवानाम् एति निष्कृतम् ऋतस्य योनिम् आसदम् इति
etā asadann iti samabhimṛśyāthāpa upaspṛśya brahmaṇo rājānam ādāya pūrvayā dvārā havirdhānaṃ prapādayati somo jigāti gātuviddevānām eti niṣkṛtam ṛtasya yonim āsadam iti
- 13
अथ दक्षिणस्य हविर्धानस्य नीडे कृष्णाजिनम् आस्तृणात्य् अदित्याः सदो ऽसीति
atha dakṣiṇasya havirdhānasya nīḍe kṛṣṇājinam āstṛṇāty adityāḥ sado 'sīti
- 14
अदित्याः सद आसीदेति कृष्णाजिने राजानम्
adityāḥ sada āsīdeti kṛṣṇājine rājānam
- 15
अथैनं देवताभ्यः सम्प्रयच्छत्य् एष वो देव सवितः सोमस्तं रक्षध्वं मा वो दभद् इति
athainaṃ devatābhyaḥ samprayacchaty eṣa vo deva savitaḥ somastaṃ rakṣadhvaṃ mā vo dabhad iti
- 16
सम्प्रदायोपतिष्ठत एतत्त्वं सोम देवो देवान् उपागा इदम् अहं मनुष्यो मनुष्यान्सह प्रजया सह रायस्पोषेणेति
sampradāyopatiṣṭhata etattvaṃ soma devo devān upāgā idam ahaṃ manuṣyo manuṣyānsaha prajayā saha rāyaspoṣeṇeti
- 17
नमो देवेभ्य इति प्राञ्चम् अञ्जलिं करोति
namo devebhya iti prāñcam añjaliṃ karoti
- 18
स्वधा पितृभ्य इति दक्षिणा न्यचति
svadhā pitṛbhya iti dakṣiṇā nyacati
- 19
अथोपनिष्क्रामतीदम् अहं निर्वरुणस्य पाशाद् इति
athopaniṣkrāmatīdam ahaṃ nirvaruṇasya pāśād iti
- 20
अथाहवनीयम् उपतिष्ठते सुवर् अभिविख्येषं वैश्वानरं ज्योतिर् इति
athāhavanīyam upatiṣṭhate suvar abhivikhyeṣaṃ vaiśvānaraṃ jyotir iti
- 21
अथ यजमानम् अवान्तरदीक्षां विसर्जयत्य् अग्ने व्रतपते त्वं व्रतानां व्रतपतिर् असि या मम तनूस्त्वय्य् अभूद् इयं सा मयि या तव तनूर्मय्य् अभूद् एषा सा त्वयि यथायथं नौ व्रतपते व्रतिनोर्व्रतानीति
atha yajamānam avāntaradīkṣāṃ visarjayaty agne vratapate tvaṃ vratānāṃ vratapatir asi yā mama tanūstvayy abhūd iyaṃ sā mayi yā tava tanūrmayy abhūd eṣā sā tvayi yathāyathaṃ nau vratapate vratinorvratānīti
- 22
अथैनं संशास्ति स्रस्नीष्व मेखलां प्र मुष्टी सारय मैत्रावरुणाय दण्डं प्रयच्छ यजमान इति त्वाचक्षतां नामग्राहं ते पितृभिः पितामहैः प्रपितामहैः पुत्रैः पौत्रैः सुब्रह्मण्यः सुब्रह्मण्याम् आह्वयत्व् इति
athainaṃ saṃśāsti srasnīṣva mekhalāṃ pra muṣṭī sāraya maitrāvaruṇāya daṇḍaṃ prayaccha yajamāna iti tvācakṣatāṃ nāmagrāhaṃ te pitṛbhiḥ pitāmahaiḥ prapitāmahaiḥ putraiḥ pautraiḥ subrahmaṇyaḥ subrahmaṇyām āhvayatv iti
- 23
स एवम् एवैतत्सर्वं करोति
sa evam evaitatsarvaṃ karoti
- 24
अथ यूपाहुतिं हुत्वा यूपं यजुषा करोति
atha yūpāhutiṃ hutvā yūpaṃ yajuṣā karoti
- 25
यूपावटं यजुषा करोति
yūpāvaṭaṃ yajuṣā karoti
- 26
तद् एतद्यूपावटान्तम्
tad etadyūpāvaṭāntam

