14 shlokas
- 1
अथ यूपस्यावृता यूपम् उच्छ्रयति
atha yūpasyāvṛtā yūpam ucchrayati
- 2
स्वर्वन्तं यूपम् उत्सृज्याग्नीषोमीयं पशुम् उपाकरोति
svarvantaṃ yūpam utsṛjyāgnīṣomīyaṃ paśum upākaroti
- 3
तस्य प्रसिद्धं वपया चरित्वा वपाश्रपणी अनुप्रहृत्य समुत्क्रम्य चात्वाले मार्जयन्ते
tasya prasiddhaṃ vapayā caritvā vapāśrapaṇī anuprahṛtya samutkramya cātvāle mārjayante
- 4
अथ यो वीडितः कुम्भस्तं याचति
atha yo vīḍitaḥ kumbhastaṃ yācati
- 5
तम् आदायान्तरेण चात्वालोत्कराव् उदङ्ङ् उपनिष्क्रम्य यत्रापस्तद्यन्ति
tam ādāyāntareṇa cātvālotkarāv udaṅṅ upaniṣkramya yatrāpastadyanti
- 6
नान्तमा वहन्तीर् अत्येति
nāntamā vahantīr atyeti
- 7
न स्थावराणां गृह्णाति
na sthāvarāṇāṃ gṛhṇāti
- 8
प्रतीपं तिष्ठन्गृह्णाति
pratīpaṃ tiṣṭhangṛhṇāti
- 9
छायायै चातपतश्च संधौ गृह्णाति हविष्मतीर् इमा आपो हविष्मान्देवो अध्वरो हविष्माꣳ आविवासति हविष्माꣳ अस्तु सूर्य इति
chāyāyai cātapataśca saṃdhau gṛhṇāti haviṣmatīr imā āpo haviṣmāndevo adhvaro haviṣmām̐ āvivāsati haviṣmām̐ astu sūrya iti
- 10
अथैना आदाय प्रदक्षिणम् आवृत्य सव्ये ऽंसे निधायैतेनैव यथेतम् एत्योत्तरेणाग्नीध्रीयं परीत्योत्तरेण सदः परीत्य पूर्वया द्वारा शालां प्रपाद्य जघनेन गार्हपत्यम् औपसदायां वेद्यां संस्पृष्टाः सादयत्य् अग्नेर्वो ऽपन्नगृहस्य सदसि सादयामि सुम्नाय सुम्निनीः सुम्ने मा धत्तेति
athainā ādāya pradakṣiṇam āvṛtya savye 'ṃse nidhāyaitenaiva yathetam etyottareṇāgnīdhrīyaṃ parītyottareṇa sadaḥ parītya pūrvayā dvārā śālāṃ prapādya jaghanena gārhapatyam aupasadāyāṃ vedyāṃ saṃspṛṣṭāḥ sādayaty agnervo 'pannagṛhasya sadasi sādayāmi sumnāya sumninīḥ sumne mā dhatteti
- 11
अथ पशुपुरोडाशं निर्वपति
atha paśupuroḍāśaṃ nirvapati
- 12
इडान्तः पशुपुरोडाशः संतिष्ठते
iḍāntaḥ paśupuroḍāśaḥ saṃtiṣṭhate
- 13
पत्नीसंयाजान्तः पशुः
patnīsaṃyājāntaḥ paśuḥ
- 14
हृदयशूलान्त इत्य् एके
hṛdayaśūlānta ity eke

